【職場熱話】撞車遲到畀老細扣勤工 網民:每日都要預咗撞車早啲出門?

【職場熱話】撞車遲到畀老細扣勤工 網民:每日都要預咗撞車早啲出門?
大家上班都遲過到嗎?如果是因為自己遲起床而遲到,責任在於自己,可是如果是因為遇上意外而遲到,上司或老闆會因此而怪責嗎?如果因意外而受傷,這又算工傷嗎?

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!

有網民於社交平台專頁「奴工處」上投稿,以「撞車遲到,老闆話……」為題分享:「過往都係一程小巴返工,今朝搭小巴返工撞咗車,人無事,輕微擦傷,等救護員嚟包紥,無需送院檢查,遲咗一個鐘返到公司。老闆:『你唔識早啲出門或者搭地鐵,扣勤工!』今日忍唔住辭埋職啦!」

如此刻薄的老闆真的令人失望!可是失望還失望,面對如此的情況,可以怎樣處理呢?
 
即睇網民回應:﹙按圖了解﹚
網民:「如果個老闆真係咁衰,玩吓病假、玩吓辦公室跣親報工傷,等你老闆請求你走好過啦!」
網民:「遇到咁樣,係咪直接請病假會好啲?」
網民:「好多中小企﹙又係港資為主﹚冇有薪病假,連續4日病假先跟勞工法畀75%人工﹙冇得唔跟﹚。」
網民:「我以前都有咁嘅上司,話返工要預埋塞車……直到有天,呢位本來星期六唔需要返工嘅上司,喺返工時間早2小時前,喺公司附近畀車撞倒。無記錯,好似住咗幾星期醫院。所以我相信,係會有報應嘅。」
網民:「個老細日日返工預咗會撞車早出門口,唯有希望佢日日撞。」
網民:「香港勞工法例保障一向唔包返工途中受傷,除非你坐公司安排嘅廠車返工中途受傷。」
網民:「計勤工嘅,十份有九份都係衰工……」
網民:「返工要預埋塞車?咁要唔要預埋個天會冧落嚟?」
網民:「其實好悲哀,奴工們都唔係要求好老闆,只係要求人道少少,同對員工有基本尊重,當員工係個人,出糧唔係大晒,奴工出賣勞力,即係賣嘢,有權唔做老闆生意呀,啲衰老闆幾時先會明?係都要勞資對立……」
網民:「咁冷血,辭職辭得好,唔值得再打佢工!」
網民:「反正都係,你隻手冇咩事,仲有冇其他唔舒服?有就去醫院查清楚穩陣!同埋要請工傷假。」
網民:「我知道如果會撞車轉搭地鐵,不如早知六合彩number!」
網民:「可能老闆預咗自己每日都畀車撞或者遇上其他意外,祝佢心想事成、早登極樂。」
 
何謂工傷?有沒有明確定義?
在工作時出意外一般稱為工傷。根據《僱員補償條例》第40條,不論合約期或工作時數長短、全職或兼職,所有僱主必須投購僱員補償保險,以承擔僱主在法律(包括普通法)之下的責任,否則不得僱用僱員從事任何工作。
勞保是保障僱員因工意外受傷,甚至死亡,或患上《僱員補償條例》所指定的職業病時,僱主有能力履行責任支付補償。工傷主要分為2大類:

1.一次性意外,如工作時跌傷
2.勞損,如因不斷重複同一動作導致身體受傷

更多職業病資料可參考勞工處《僱員補償條例簡介》附表2。

值得注意是,即使意外是因僱員犯錯或疏忽引致,僱主在一般情況下仍須負起本條例下的補償責任。另外,由香港僱主在本港僱用,而在外地工作時因工受傷的僱員,同樣受到保障。

返工途中不一定有得保
至於返工途中是否受保障?一般在返工途中意外受傷是不會受到勞保保障,但以下四種情況遇上意外或死亡,一律被視作在受僱期間因工意外引致:

1.僱員正以乘客身份乘搭由僱主運作或安排的交通工具往返工作地點途中(公共交通工具除外);
2.僱員因工作關係,正在駕駛或操作由僱主安排或提供的交通工具,往返其居所及工作地點的直接途中;
3.在八號或以上颱風訊號或紅色/黑色暴雨警告生效期間,僱員在他該日的工作時間開始前四小時內,以直接路綫由其居所前往其工作地點途中,或在他該日的工作時間終止後四小時內,由其工作地點前往其居所途中;
4.僱員在僱主許可下,為了其受僱從事的工作,並在與此工作有關的情況下,乘用任何交通工具往返香港與香港以外地方途中,或往返任何香港以外地方與任何其他地方途中。

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!
延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!
延伸閱讀:【另類職人】凶宅清潔師見盡凶案現場 血跡未算最驚心 更試過被報夢…
延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告