【職場熱話】咳到出血請病假 上司：咁就請假？要當公司係自己公司！

雖然網上常常都看到很多打工仔討論蛇王偷懶等扮工大法，但其實還有很多很認真地工作的打工仔。OT、放假工作的大有人在，不過，太拼搏而弄壞身體就不值得了……

延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統

有網民在社交平台專頁「奴工處」上投稿，分享自己的之前的工作慘況：「話說之前做嘅一間傳媒公司，我已經係寫文最多嘅員工，其他5個加理都唔夠我一個多。之後有日病咗，咳到有血要請4日假。

「老細打嚟話：『咁就請假？你唔當間公司係自己公司嘅，你係唔會成功！』

我答佢：『唔好意思，真係病到咳血。』

老細竟然話：『唔好同我講呢啲，條路自己揀！』

我答佢：『好呀，條路自己揀，我辭職，byebye。』

之後，睇到公司執咗，我忍唔住send WhatsApp畀佢：『條路自己揀。』
然後佢已讀後，block咗我。」

不少網民都覺得事主的上司很過分，辭職實在是正確的選擇！
 
即睇網民回應：﹙按圖了解﹚
-如果我當公司係自己公司，點解我唔自己去開公司，要幫你公司打工當係自己公司？
-我當係我公司，我有無得分利潤先？
-做到死換到風涼說話真係心寒，希望投稿人有份好新工！
-好大個回力鏢食到應！
-我可能會不停send咳出嚟嘅血畀佢，報告返剛剛咳幾多聲，咳咗幾多血，然後揀繼續SL。
-仲好講，就係你攪到其他5個家庭失去咗依靠……
-你病一次就真係可以見識到呢啲老細係幾咁搾乾你，不過真係恭喜佢呀！
-唔係自己公司做乜要當係自己公司？
-我依家就係當公司係自己公司，我自己公司我自己話事，鍾意唔返就唔返，使理你？
-如果我當公司係自己公司，公司賺到錢，點解我得咁少？
-情緒勒索，道德綁架，睬佢都傻。
-如果當公司係自己嘅，同老細講：「第一個炒咗你！」
 
當公司係自己的
很多網民都被事主上司一句：「你唔當間公司係自己公司嘅，你係唔會成功！」而惹火，大家指：「我當係我公司，我有無得分利潤先？」、「我依家就係當公司係自己公司，我自己公司我自己話事，鍾意唔返就唔返，使理你？」

其實社會上有很多工作心態扭曲的前輩，因為工作而忘了健康與生活。各位打工仔請謹記，無論如何，健康都一定在工作之前，不論精神還是身體上的健康，都一定要好好注意！

延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀：【讀者投稿】Sales同事一個電話就要人交嘢 打工仔爆炸：淨係服侍你一個？
延伸閱讀：【職場熱話】返新工3日知道全team同事已經遞晒信 打工仔：伏味濃？
 

⏩⏩  需要請人？立即刊登招聘廣告！  ⏪⏪