【職場性騷擾】有肉地女同事 成日被男同事望胸部 網民：你咁鐘意周圍望嘅？

職場性騷擾時有發生，可是受害人總是敢怒不敢言，明明自己感受到不禮貌的目光或討厭的身體接觸，卻第一時間先檢討自己是否穿得太暴露或做了令人誤會的行為，繼而令自己被洗腦，並覺得遭到性騷擾的原因是出在自己身上……

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

有女網民在社交平台專頁「奴工處」上以「被眼睛非禮，可以點保護自己？」為題投稿，分享自己被性騷擾的經過：「我本身係個好好肉地嘅女仔，咁上圍都有肉地。我同事C成日都呃水吹，有時佢都會教吓我嘢。佢每次同我講嘢都會望吓我個胸，我初初以為係佢唔覺意，咁就冇理啦，但佢望嘅次數愈來愈多，我感覺好唔舒服……」

她續道：「我返工只係著普通T shirt、圓領、鬆身，肯定唔會露到肉，返到公司即著zip褸，都係鬆身。好想向上司投訴，但上司好鍾意C，我怕我同上司講，上司唔信我。所以我依家喺公司會著好多衫，同埋非必要都唔會理C，佢一望我個胸就用本簿遮住！唉……呢個時候好難轉工。」
 
即睇網民回應：﹙按圖了解﹚ -一定要出聲！但依家轉工唔難，個市好返好多啦！
-正常大公司有投訴機制，唔會經直屬上司，細公司就難講！其實如果對方真係令你感覺唔舒服，可以試吓利用同事間嘅吹水時間，以講笑形式放聲氣，通常呢啲好快傳到對方嗰度！令到對方有所收歛！
-鬧佢：「望乜嘢？」第一次講笑咁講，等佢知你知佢望；第二次就要好認真咁鬧佢！
-男同事唔夠靚仔都冇辦法㗎，只好怪佢唔識人貴自知囉。
-着件印有詭修女或咒怨嘅T-shirt！
-無理由為咗做錯嘅人改變自己衣著，可以試吓causal咁講：「你咁鐘意周圍望嘅？」，如果佢都唔識停，咁就唔使畀面，即刻制止佢講：「望夠未？」正所謂面就人哋畀，架就自己丟，佢係都要咁賤，仲使乜理佢係上司愛將？
-之後投訴死無對證，上司只會勸，男嘅只會扮冇做過，之後更小心咁啤你。反而喺office入面個個都喺度嗰陣發火就有用：「望夠未呀，知你望緊我個胸呀！」至少畀兩三個同事聽到。
-你鍾意著咩就著咩，唔知點解咁多檢討受害人嘅講法？如果唔想直接衝擊嘅話，或者試吓佢再望嘅時候，問佢：「咦，你望咩？我係咪邊度污糟咗？」、「你講嘢唔望住人哋對眼嘅？」再唔得，就只能直接了當。
-成個comment大半都係度blame the victim，香港人質素。
-我會同熟嘅同事單聲，拜託佢幫手留意。如果旁觀嘅人確認佢真係成日，我就會大庭廣眾問佢，我件衫心口位係咪汚糟咗？你成日望嘅？(佢當然唔會認，無所謂，不過最少佢會收斂)
為甚麼要檢討受害者？
雖然一部分網民都為事主感到不值，並教她很多應對的方法，不過，在眾多留言之中，都有些網民指事主只是：「敏感啫」、「諗多咗」！事主的感受不就已經很清楚？很多時候問題在可以處理時，卻被忽略，然後導致嚴重的局面，甚致是無可挽回的後果，就是因為這些人的輕視！

雖然有網民指事主可以向平機會或上司投訴，不過有網民則認為事主應該當下就為自己發聲：「之後投訴死無對證，上司只會勸，男嘅只會扮冇做過，之後更小心咁啤你。反而喺office入面個個都喺度嗰陣發火就有用：『望夠未呀，知你望緊我個胸呀！』至少畀兩三個同事聽到。」希望此舉能令對方收歛！

請勇敢為自己發聲，好好保護自己！

反性騷擾熱線 2106 2222 
辦公時間 星期一至五
上午8時45分至下午5時45分 

星期六、星期日及公眾假期休息 
（非辦公時間設有留言信箱）

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀：【另類職人】劍擊十年 由運動員到社工 轉職感言：兩者最着重同是「溝通」
延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀：【職場戀愛】男上司同男下屬打機 情到濃時鍚咗啖 網民：快啲表白！
延伸閱讀：【職場戀愛】男上司追男下屬 結局竟然反轉？ 網民：sweet過睇BL！

⏩⏩  需要請人？立即刊登招聘廣告！  ⏪⏪