【香港人在外國】移民外國做基層工 放Break想完成工作 被指做壞規矩!
各位打工仔身邊都一定有朋友、親人或同事移民吧?要離開一個自己熟悉的地方,再去新地方生活,在日常生活和工作上都一定很不習慣,畢竟文化不同,各個職場都有其特點。不知道移民了的大家,覺得外國與香港職場相比,有好處還是壞處呢?
延伸閲讀:【職場文化】小編大呻幾時開始要一手包辦所有事 網民:自從冇人尊重文字開始
有網民在社交平台專頁「奴工處」上投稿,分享道:「最近離開咗香港,喺外國搵咗份基層工,份工每兩個鐘有15分鐘break,有次手頭上啲嘢未做完,就想break繼續做,點知畀上司大大聲鬧我破壞規矩,要我即刻休息!」不少網民都表示,事主不應將香港的一套工作態度搬過去外國,應該好好體驗當地的文化才對,亦有不少人感嘆港人奴性高……
即睇網民回應:﹙按圖了解﹚
網民:「唔錯,奴性幾高,揚威海外!」
網民:「其實正常休息之後,效率、精神及準確度可以改善。」
網民:「每間公司緊有一個日日OT唔想返屋企嘅人。」
網民:「邊個話移咗民做基層工好慘㗎?」
網民:「做兩個鐘15分鐘break,應該係為咗保護對眼。」
網民:「我喺英國打咗一年工,學到嘅係除咗12月聖誕前,其餘時間唔好咁認真,做嘢做慢啲。」
網民:「準時休息同準時上班一樣咁重要。」
網民:「喺香港,老細會叫你用lunch time 趕埋份 project 畀佢。」
網民:「如果員工冇休息,有任何後果嘅話,上司就要負擔責任,甚至公司要賠償,都係為員工好。」
網民:「入鄉隨俗好啲。」
網民:「香港嘅公司話社會責任係口號。」
網民:「外國係咁嘛,去到人哋地方就跟返人哋規矩啦,唔好將香港呢套帶過去。」
網民:「香港地總有啲上司千方百計剝削你啲休息時間,然後同人事部講,佢就話合約冇寫有休息時間。」
放鬆心情 接受改變
很多網民都覺得事主應該「入鄉隨俗」,指:「去到人哋地方就跟返人哋規矩啦,唔好將香港呢套帶過去。」亦有移民都英國的網民表示,花了一段時間去適應,道:「學到嘅係除咗12月聖誕前,其餘時間唔好咁認真,做嘢做慢啲。」
香港人出名急促,做事講求效率,不過很多外國職場都有不同的風格,有些比較重視員工,注重員人的個人健康,故會設有小休,令員工保持效率。移民外國的港人要記住的一點是:「準時休息同準時上班一樣咁重要。」
延伸閲讀:【職場文化】小編大呻幾時開始要一手包辦所有事 網民:自從冇人尊重文字開始
延伸閲讀:【職場熱話】網民齊數公司奇怪規矩 口罩只可用某顏色、唔畀一齊食lunch
延伸閲讀:【職場兩性】男友呻工作不快 女友唔識點回應 網民教三大招數!