【職場鬼故】老闆突然離世 辦公室光管不停閃 打工仔居然認為事有蹺蹊？

大家相信這個世界有鬼魂嗎？

有人認為所謂的靈異事件，只是人類的幻想；有人卻聲稱親身遇過，當刻的感覺和眼前所見的一切，科學無法解釋。最近有打工仔在網上討論區分享了在辦公室的可怕經歷 — 公司老闆突然因心臟病離世，老闆的弟弟完成交接後，走到老闆的辦公室工作時，房間的光管竟然不停閃爍，打工仔感到不妥，於是詢問網民意見。網民看完打工仔的經歷後，卻懷疑事有蹺蹊，究竟發生甚麼事？

按圖了解打工仔的可怕經歷︰

+15

+14

打工仔分享︰「我老細呢個星期日，突然係家中離世，好似話係心臟病。咁佢個職位同財產，自然畀哂佢個仔啦！最後佢個仔決定將啲股份，轉讓哂畀一直喺佢地公司做開嘅Uncle(老細細佬)。本身啲嘢星期一已經交接好哂，但突然噚日開始，個Uncle係老細間房做嘢時，盞燈係咁狂閃...嚇到個Uncle即刻Home Office，HR亦已經醒水，即日搵人換咗燈，已經正常返。但今朝Uncle再開燈嘅時候，間房過咗一陣繼續係咁狂閃...佢即刻跑出Office返屋企，我而家真係好驚，想問問有無人知係咩事？同我要唔要做啲咩保護自己？」

網民留言
A︰你舊老闆返咗Office，走得咁突然，佢應該仲留戀塵世。

B︰星期日老細突然走咗，星期一就轉晒股份畀Uncle？要報警喎！

C︰似有組織及預謀！

D︰都唔關你事，就用唔關你事嘅心態繼續工作就得啦，如果真係有嘢，越表現特別嘅先越危險。

E︰也許，還有心願未了...係只係打工，若然老細生前同你無乜兩句，基本上都唔使咁慌張，專心工作先啦。

F︰佢個靈魂唔知自己死咗，不過你又唔使驚，佢唔會害你嘅，見到佢咪Say個Hi。

G︰咁就啱啦，入房夾返條今期嘅六合彩，重鎚出擊。

H︰佢星期日至過世，個仔即刻決定將公司轉畀Uncle，星期一就已經搞掂哂？！有冇咁快呀？家有白事，白事都未做完，公司嘢就已經搞掂哂？律師樓做文件都做唔切啦！

I︰作為業內人士，燈閃係常見要解決嘅問題，尤其LED 年代，有乜好驚？

J︰好得人驚，要做埸法事安撫下至得。

延伸閱讀︰【職場鬼故】辦公室喺舊工廠區 打工仔OT遇恐怖事！播歌突然聽到…

講起職場鬼故，最令打工仔印象深刻的必定是中環鬧鬼大廈，時隔多年仍是網民討論的話題，不過這類型的都市傳說，你們又知幾多呢？

按圖了解香港恐怖都市傳說︰

+9

+8

以上只屬於網民的意見。

延伸閱讀︰【職人故事】 做殮房易撞鬼？起薪有幾錢？殮房員工破解「冷凍房」迷思

延伸閱讀︰【人哋收工我返工】醫院工作聽好多鬼故？男護士：返工最深刻其實係呢樣

⏩⏩  需要請人？立即刊登招聘廣告！  ⏪⏪