【職場辛酸史】素食餐廳禁員工食肉 如有發現立即解僱

【晴報專訊】午休應為員工的自由時間，但如果連用餐類別都被老闆限制，大家又能否接受？一名素食餐廳店員在網上抱怨，指老闆下令禁止員工食肉，包括在1小時的吃飯時間；如有發現，會立即解僱。由於員工之中只得1人是素食者，因此他們外出吃飯時亦只能偷偷摸摸，令他深感無奈。

老闆下令發現員工食肉即炒
該名店員化名「被素食的喵」向Facebook專頁「奴工處」投稿，指老闆曾說過無論員工做錯何事，都不會解僱員工，

「但唯獨如果發現食肉（包括出去食飯），就會即刻解僱嗰位員工，結果同事真係遲到嘅遲到，曠工嘅曠工，最忙時樓面可以得返1個人做……呢啲都冇扣錢又冇畀人話。」
樓主又指出，由於被老闆下令禁止食肉，

「出去食晏，個個變得偷偷摸摸，因為員工之中得1個係素食者。」
此外，他又指老闆經常向他們灌輸「素食健康」的信息，「瘋狂洗人腦」，「但偏偏員工之中唯一素食者嚟做咗一排時間，開始有三高囉。」

網民反應兩極 侵犯人權VS遊戲規則
對此，不少網民對於該餐廳員工深感同情，「打份工都要唔准食肉，黐線」、「簡直侵犯人權，勞工處見」、「舖內唔食得我接受，但出街食都唔得就真係……」、「食肉都炒就勞記見啦」、「素食，但高鹽高油高糖都係死」、「好多加工素好唔健康，成個元素周期表喺到」。

不過，亦有網民認為樓主不應對此有所抱怨，「咁咪唔好做呢間餐廳囉！好簡單，佢餐廳理念同你本人飲食習慣已經咁大抵觸」、「你入去做你都知返工期間要食素（包括出外食飯），你同意先去做㗎嘛？」、「畀人見到著住素食餐廳制服嘅員工去食非素食，我都覺得有啲唔知點咁……」。另有網民表示：「食素可以好健康、食肉都可以好健康，你加幾多調味料同各種食材嘅比例都好重要。」

⏩⏩  需要請人？立即刊登招聘廣告！  ⏪⏪