【職場熱話】月賺$12,000夠用?網友︰無人無物 仲有錢儲添...
早前政府統計處公布本港最新的《香港的女性及男性—主要統計數字(2020年版)》,列出2019年男性和女性的月入中位數,分別是$20,000及$14,300。報告一出,不少讀者議論紛紛,有人指身邊的女性賺錢能力比男性強,亦有人表示本港失業率創近15年新高,達6.2%;就業不足率亦有3.7%,接近17年來的高位,未來的港人的賺錢能力一定下降。
有人對未來的前景感到憂慮,有人則既來之則安之,亦有網友在討論區開Post表示,即使自己月賺$12,000,都能好好過活,而且更有錢可儲,不過先決條件是單身一人。
月入$12,000真的夠用?
網名「大埔墟王祖藍」日前在連登討論區開Post,表示「發現自己一個人月入12K都生存到」,內文就交代如果使用這筆薪酬,包括$4,000家用、衣食住行$4,000,還有$4,000可作額外使費,而「大埔墟王祖藍」指自己與家人同住,現正單身,因此$12,000相當夠使。
有網友認同「大埔墟王祖藍」,表示「還掂唔使結婚買樓,不如揾份輕鬆嘅工仲好」、「生活追求簡單嘅話其實係」、「一個人住公屋嘅話,真係交埋租仲有錢剩」、「1個人其實可以用好少,完全係睇生活態度」。不過有人則反對他的想法,認為不趁年輕努力儲錢,到有需要時必定會後悔︰「認真,唔儲定錢,有病點算?買啲醫療/危疾都要啩?愈無錢先愈要買」、「記得儲錢,同唔好賭錢,人大咗病痛一定來,到時就要用呢筆錢」。
增值自己 有望升職加人工?
有好多打工仔即使大學畢業,閒時都會進修,增值自己。你可能會話「讀書好貴架」、「而家有錢都唔夠使啦」,無錯,進修的確花不少金錢,但別忘記政府有持續進修基金,讓18至70歲的香港居民提供合共$20,000的進修資助。如果已用完持續進修基金,亦可選擇市面上可靠的免費課程。當你的工作技能提升,就有望升職加人工。
持續進修基金認可課程︰https://bit.ly/2PNf6Jz
延伸閱讀︰【職場熱話】35歲計劃3年後退休 關鍵竟然是信用卡?
CTgoodjobs 推出全港首創 WhatsApp 搵工平台「搵工快」,八大行業 2,000+ 前線、兼職空缺等緊你!