【職場熱話】搵工一定要識打速成倉頡？網民：同事日日用語音嘈到癲

打字是現世代求職者具備的基本技能，無論是中文或英文，在工作上都有機會用到。不過中文打字比英文難，加上不是每間學校都有教輸入法，未必個個打工仔掌握。最近有網民在討論區分享，他平時用慣手寫及粵語拼音，見工時被面試官質問「點解你唔識速成？」，令他「口啞啞」，所以想知道職場上識速成倉頡會否有優勢。

延伸閱讀：【職場貼士】返工返到懷疑人生？五種最常壓力爆煲的員工

返工一定要識打速成倉頡？（《無法成為野獸的我們》劇照）

該網民表示，平時手機用慣手寫、粵語拼音及普通話拼音輸入法，粵拼可以每分鐘打到50個字，普拼都可以打到30個字，足以應付日常文書工作。不過近日去面試時就被HR質問「點解你唔識速成？」，他不知所措，害怕這會影響獲聘請的機會。「以前中小學都無教速成倉頡，淨係教九方，結果見工比條友串我。我打速成都唔知要學幾耐先追得返打拼音嘅速度，點解要迫人學…」

帖文引起很多網民熱烈討論，大部分人覺得速成倉頡好易學，有心不怕遲，而且一生受用。其中一個網民指，「我都係大專畢業先學倉頡，不知打得幾舒服，睇你有無心去學新嘢。就當今次間公司肯俾你打拼音，你都唔係一世做死嗰間公司啦。」有些網民更分享有同事因為不懂打字，每日都用語音輸入「嘈生晒」，打擾其他人工作。

睇下網民對於速成倉頡有咩意見：（按圖了解）

+8

+7

不過有網民就認為，老闆不應該干涉員工用那一種輸入法，只要打到字完成工作就可以了。「況且香港公司好多文件都用英文多過中文，而家仲可以語音輸入，又方便簡單唔使記碼。」

有人分析近年越來越多人用智能手機，因此習慣了用拼音或筆畫輸入法，甚至是Voice Message，減省打字的時間。加上學校又推行普教中，令學生漸漸遺忘速成與倉頡。有90後網友表示，「以前通常都係因為打機先學打字，依家啲人少左打Online Game，就算打機都係直接用Mic講嘢，自自然然無人學速成倉頡。」

延伸閱讀：【職場熱話】 打工仔最想WhatsApp加咩功能？網民：預設時間Send信息射波

+8

+7

延伸閱讀：【職場熱話】私人秘書慘過做工人？網民：要幫老闆仔女格價買內衣褲

延伸閱讀：【職場熱話】WFH屋企人不斷拍門打攪 打工仔：就快Zoom到我有精神病

香港首創 WhatsApp 搵工平台「搵工快」上線啦！八大行業 2,000+ 前線、兼職、散工等你申請！Click 入去打開 WhatsApp，然後發送對話，3 個 steps 內搵到啱做嘅工！你仲可以選擇直接 WhatsApp 僱主添！

⏩⏩  需要請人？立即刊登招聘廣告！  ⏪⏪