Next
【職場熱話】想做清潔工卻遭父母反對 網民：職業無分貴賤！
【職場熱話】想做清潔工卻遭父母反對 網民：職業無分貴賤！
2022-04-08
小時候開始我們就被教導，不同的職業沒有好壞、優越、低賤之分，從事不同行業、在不同崗位工作的人都是平等的，我們應該尊重每一個職業，並將它們一視同仁。不過，並非所有人都能夠說得出，做得到。
在網上討論區Dcard有台灣畢業生分享自己的故事，指自己有意想當清潔人員卻遭到父母阻止，網民紛紛安慰：「職業無分貴賤！」
點圖了解更多事主經歷：
延伸閱讀：【職場心理】「唔好意思」唔好掛口邊？ 職場正確的道歉方法？ 3大心法要記低
延伸閱讀：【職場英語】點樣用英語約開會？ 時地人一次過教學 用SAY字都可以
事主分享：「畢咗業差唔多兩個月，因為搵唔到工令我有各種嘅焦慮，雖然屋企人同我講可以慢慢搵，直到搵到好工為止，但我自己覺得呢樣嘢唔可以拖太耐，想快啲有屬於自己嘅收入，喺呢段時間Send過無數份CV出去，但有通知我去面試嘅公司少之又少。
我個人其實將工作熱忱睇得比錢更重，當然人工太低，過咗我底線嘅都唔會考慮。日前我見到清潔公司出嘅招聘，佢哋請緊清潔人員，人工還好，唔算好差，過完試用期會加人工，之後仲有升遷嘅機會。
其實我個人都幾怪，喺執乾淨啲地方之後，會好有成就感，仲會好享受個過程，有舒壓嘅感覺。好似喺屋企洗碗我都唔覺麻煩，洗完嘅杯杯碟碟仲會覺得好爽，好舒暢。所以我覺得自己幾適合做清潔人員，可以累積工作經驗，又可以賺下錢。
點知我同屋企人講咗之後，佢哋極力反對我咁做，話讀到大學畢業，做咩要走去做清潔人員，呢啲多數都係年紀大嘅人做，就算幾想賺錢都唔應該做清潔人員。喺同佢哋傾嘅時候，我係咁諗，佢哋咁反對係因為我定佢哋自己，聽到佢哋一句說話，我好肯定係後者。佢哋話「如果你去做清潔，我畀人問到你做咩職業嘅時候，應該要點答啊？」
我由細到大，都係好聽佢哋話，無論係中學、大學讀咩科都係佢哋揀，我後來反抗到佢哋，先成功轉到科，發現清潔對我嚟講好有成就感，係差唔多畢業先發現。到而家佢哋都想干涉我嘅人生，想用佢哋嘅期望阻止我自己選擇想做嘅嘢，不過我唔會再聽佢哋講。職業無分貴賤，唔通做清潔人員真係咁可恥?」
網民回應
A/搬出去啦，既然同一屋簷下只會換嚟痛苦，其實都無咩好講
B/等你開返間清潔公司，佢哋就唔係咁樣
C/你有無肯定過工作內容㗎？你係唔係真係OK先？
D/一啲都唔丟架，我好佩服清潔人員，佢哋做嘅嘢真係唔容易
E/攤大手板問阿爸阿媽拎錢先丟架
F/職業係無分貴賤，但文化上始終有偏見，唔可以話你屋企人係錯，只係在乎你點諗，人生係你嘅，好好考慮清楚再做決定，唔係有一日你會後悔！祝福你。
G/可以試下做整理大師
H/我覺得後生嘅話，試吓無妨啊，到有咗第一份工，拎到第一份人工再好好做職涯規劃，我覺得行行出狀元，呢個時代咩都有可能，勇敢嘗試！
了解工作內容再作決定
事主看似對清潔工真正的工作內容沒有深入的了解，若果就這樣去應徵，很可能會造事主和僱主雙方的時間浪費。在申請職位之前，事主除了要了解真實的工作內容外，亦應該要了解工作的晉升前景，以及做下決定的後果，並勇敢承擔。其實事主可以考慮一下從事與清潔相關的工作，如整理師，能夠助人解決因收納而生的煩惱，又能為自己帶來成就感。好好為自己的未來打算，才真正對得起自己。
怎樣知道工作是否適合自己？不如問自己以下5條問題。（點圖了解更多）
Look out for further updates on our Facebook fan page!
Follow CTgoodjobs for the latest career news, hot topics and recommended jobs!