【職場熱話】屋企大細定通勤時間重要?打工仔:唔好為份工犧牲生活空間

【職場熱話】屋企大細定通勤時間重要?打工仔:唔好為份工犧牲生活空間

屋企呎數還是通勤時間較重要?最近有打工仔與同事爭論此問題,他指公司位於柴灣,同事A住屯門500呎樓,通勤時間來回3小時;同事B則居於住市區300呎樓,通勤時間來回少於1小時。此帖子引起大量網民討論,你又會如何選擇?

延伸閱讀:【職場熱話】喺九龍見工最後竟然要返大西北?打工仔:而家啲公司好古惑

500呎屯門樓與300呎市區樓的比併:(按圖了解)

打工仔:「我哋公司喺柴灣,平時大家一聽都覺得遠,同事分散住喺香港各區。最近我哋為咗屋企大細同埋通勤時間而爭論,研究係咪搬近啲公司好。話說同事A住屯門,每日至少來回用3個鐘返工,仲要屯公經常性塞車。佢屋企兩公婆住,無小朋友,實用面積接近500呎,好闊落。雖然路程好遠,但佢話住得好舒服,而且空氣好過市區好多。至於同事B就住銅鑼灣,雖然唔近地鐵站,但每日唔使半個鐘就返到公司。佢屋企都係兩公婆住,實用面積得300呎左右,不過慳返好多通勤時間。而且平時去邊度都方便,食嘢買嘢選擇都多啲,凌晨返屋企實有車。佢哋兩個租金都差唔多,各有優劣,真係好難揀~」

網民意見?

網民A:我試過每日來回用3粒鐘,減埋工時晚飯瞓覺,得3個鐘空餘時間。而家返工來回1.5小時,每日有4.5個鐘頭空餘時間。計返比率,而家嘅生活得閒咗50%!
網民B:我情願住屯門,起碼放假留喺屋企都開心啲,空氣、光、嘈音污染都少啲。
網民C:間屋幾大咪又係兩個人住,日日爽返工,好過一星期得兩日爽。慣咗住市區,返唔到轉頭。
網民D:當然住大啲啦,300呎連買個吸塵機都要諗吓擺邊度,除非你係單身,對生活無要求要張龍床就算。
網民E:我曾經住過一個月套房,嗰段時間真係唔會願意返屋企,寧願留喺條街,因為太細嘅壓迫感令人好辛苦。
網民F:你又唔係一世打死一份工,無謂為份工犧牲生活空間,做人好無樂趣。
網民G:我會㨂個距離公司九個字以內嘅地方,住公司隔離無意思,吊頸都要抖氣,住咁近會成日諗工作。搭車去第二個地方行吓先返屋企仲好,可以望下周圍個世界係點。
網民H:其實香港有幾大啫,交通又方便,梗係揀住大啲啦。
網民I:小弟住大西北廿幾年,朝朝晨早坐邨巴再轉地鐵,上車繼續瞓。無錯係用好多時間,不過空氣好啲,屋企又有活動空間。

上班地點是打工仔選擇工作時一個重要因素,如果公司距離屋企太遠,不但通勤時間長,車費又貴,也會間接失去不少私人時間。最近有網民在討論區分享,表示自己在九龍區公司見工,怎料收到Offer之後,對方才表示要他往新界大西北上班。事主認為公司存心瞞騙「好古惑」,正猶豫應否接受工作。

按圖了解更多:

 

延伸閱讀:【最新統計】2020年住戶月入中位數$27,000 中西區超越灣仔成最高收入榜首

延伸閱讀:【返工血淚史】屯門返觀塘蹉跎歲月 車程太長可以點善用時間?

延伸閱讀:【返工血淚史】屯門公路「受害人」︰一人一個改善屯公塞車創意方法

 

【最新調查】《CTHR 2021年畢業生薪金及就業調查》結果出爐!立即下載調查報告!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【行業辛酸】巴士司機唔易做?網傳內部通告要提乘客落車惹熱議

  • 【返工血淚史】搭車總有人大聲傾偈、播片 打工仔:想喺巴士補眠都唔得!

  • 【遲到扣錢】返工慘遇列車出軌甩門 上司卻堅持扣勤工 打工仔呻:佢叫我早啲出門口……

  • 【見工面試】Interview後即收Offer 求職者卻一口拒絕?全因為間公司做咗呢樣嘢!

  • 【辭職學問】上司唔肯寫reference letter畀下屬 搞喊同事!網民:其實有OOOO咪夠!

  • 【見工面試】第一印象好重要!電話面試都唔可以鬆懈!呢7件事絕對唔可以犯!

  • 【2023花紅】邊個行業Bonus最多、人工升幅最大?即睇6大職業範疇薪酬展望!

  • 【員工福利】無限休假、花紅同4天工作周 你會揀邊樣?盤點3大留才措施特點!

  • 【人才招聘】6大人力資源改善招聘流程的方法

  • 【4天工作】ChatGPT有助落實「4天工作周」?專家:可助人從平凡工作中解脫!

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow