Next
【職場熱話】同一行業做咗十年就好難轉行？網民：路係向前行！
【職場熱話】同一行業做咗十年就好難轉行？網民：路係向前行！
2022-03-11
人很害怕迎接改變，因為當你習慣了一件事、一份工作，就會不自覺產生了安全感和依賴，而改變通常都是未知的，不知道會是好的改變還是壞的改變，所以大家才會不敢前行。不過，如果面對的是難以忍受的環境，裹足不前不會改善現狀，你又敢不敢踏出這一步呢？
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
有網民在社交平台專頁「扮工室Online」上發文分享道：「當你做咗嗰個行業十年以上，就好難轉行⋯⋯」試想想，自己已經做了十年會計，還可以轉行當機師嗎？如果已經做了十年文員，還可以轉行做醫護嗎？做了十年空姐，可以轉行做飲食業嗎？種種的可能性，其實不會是零，有不少身為過來人的網民都紛紛分享經歷和感受。
即睇網民回應：（按圖了解）
網民：「忘記以前嘅嘢，路係向前行，一定得！」
網民：「通常係個人無信心轉居多，因為要由零開始。」
網民：「我轉到，睇吓自己可唔可以放低做咗十年個價啫。」
網民：「我中年轉行少咗四成人工，家家有本難念的經，總之同自己講冇咗份工唔會死，唔好等老細以為少少人工可以任意勞役人。」
網民：「無嘢係改變唔到，除咗生老病死！」
網民：「做咗十幾年設計，跳出舒適圈讀書轉咗做醫護，自己唔跳過出去都唔知自己可以行到幾遠。」
網民：「只喺你搵到咁多價位，重回起點喺一個抉擇嚟。」
網民：「問題係肯唔肯重新適應過咁解。」
網民：「我做咗8年旅行社，疫情下被迫轉行，好辛苦地轉咗兩份工，而家做食品公司sales。不過轉行絕對係非常艱難，老細覺得你係呢行冇經驗，會壓低你人工。香港人大家要加油！疫境求存！」
網民：「壓價就必然，我通常會同佢講：『我係under paid，但理解到因為你都唔知我係咩料，所以試用期後，我相信你會因為我嘅工作能力而畀返個合理嘅薪水。』」
網民：「我做咗十年飲食，30歲轉行去做電工學徒，邊讀書邊學，依家入咗大公司，生活好安定。」
網民：「轉份自己鍾意嘅工作，唔係壞事。」
網民：「我做咗11年sales、一嘢轉咗做診所姑娘4年、再一嘢轉咗做文員已6年。我覺得唔同年紀會有唔同想法，睇你敢唔敢行出嗰步。」
每個人身上都充滿可能性
很多人都會因為年紀和年資而限制了我們的選擇，覺得做了十年，自己已經老了，沒有學習和接受新事物的能力，但這其實只是自己求改變的心態不夠強烈。沒有事情是不可能的，有網民都分享自己不停轉工的經歷，有年輕的，有年長的，「我做咗一段時間保安，而家因為自己識揸車，我決定轉行去揸巴士。 我三字頭，現在巴士公司受訓中。」、「我做咗10幾年貨倉，轉咗廚房，由𡃁仔做起，都做咗10年多，可惜疫情關係，店執咗，現在又可能轉行啦！」
亦有網民幫忙分析事主的擔憂來源，可能是因為放不下十年以來的人工，可能是沒有信心重頭開始。這就需要你認真思考，可以改變現狀的方法和決心，要明白不踏出這一步，並不會有甚麼改變。要知道，每個身上都充滿可能性，就如電影《少年自讀日記》中的經典對白：「we are infinite.」。
延伸閲讀：【在家工作】公司安排WFH全程監視無私隱！員工：去廁所都要打卡⋯
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
延伸閲讀：【疫下新常態】室內設計與VR結合 3D網上商店加強網上營銷
Look out for further updates on our Facebook fan page!
Follow CTgoodjobs for the latest career news, hot topics and recommended jobs!