【職場兩性】女友做gym上癮 棄高薪轉做健身室接待員 男朋友：完全無同我商量

每個人都有自己的職涯目標及規劃，有人是為了賺取更高收入，亦有人為興趣而工作。作為另一半，又應不應該干涉伴侶的決定呢？最近有男網民表示女友轉工前沒有跟他商量，指她為了做gym而放棄人工不俗的寫字樓工，轉至健身室擔任接待員，令他大感不解。

延伸閱讀：【網絡熱話】打工仔轉工遭阿媽反對 網民：你返工定佢返工

點解男朋友咁不滿？（按圖了解）

+14

+13

男朋友：「原本女朋友做緊一份寫字樓工，平時收工佢都會同我講要去做gym。佢做gym唔係為咗減肥，而係想個身型靚啲先去做。開頭我都好鼓勵佢，做運動個人健康啲，同埋都見到佢有成效。但係佢尋晚收工打畀我講：『我遞咗信辭職啦，下個月會去平時做開gym間公司度做！』我聽到之後真係唔知畀咩反應好，我咪問佢份工要做啲咩。佢話做reception同埋幫人登記囉，得閒嗰陣仲可以去做gym。『可以一邊返工又可以做gym，呢份工係咪好好呢！』我都唔明，真係鍾意做gym做到要連份工都轉埋咩？佢原本份工人工高、福利好，仲要今次轉工都無同我商量過……」

網民意見：

網民Ａ：咁嘅藉口你都信，頂綠帽由頭笠到落腳指尾啦傻仔！
網民Ｂ：如果為咗做gym而唔返工就話有問題啫，佢都只係工轉工，你無謂諗太多。
網民Ｃ：正面啲諗，可以將喜好變成搵到錢嘅工作係好事，好過無目標地渾渾噩噩返工。
網民Ｄ：叫佢轉去地盤做擔泥啦，到時包佢有超多運動量，人工又高好多。
網民Ｅ：Reception雖然人工低，但都係一份正當職業，況且你女朋友又無叫你養佢，你無理由阻止人哋做自己鍾意嘅事。
網民Ｆ：嘩好明顯你女朋友睇中咗大隻健身教練啦，到時仲可以用工作做藉口，話唔得閒陪你，睇路啦師兄。
網民Ｇ：既然佢熱愛呢份工，做gym又唔使額外畀錢，你作為另一半應該要支持女友。
網民Ｈ：轉工一定要同另一半商量？你女朋友覺得生活快樂咪得，如果你接受唔到唯有分手。

每個人都有自己追求的事情，轉工時最重要考慮清楚自己能否承受風險，了解過潛在風險後，都依然想做轉工，就不如跟隨心中想法行動。如果另一半對你的決定有所擔憂，不如坐下來跟他好好討論，好讓他明白你做決定的原因，以及能為自己的決定作承擔，令別人不再擔心。

在跳出舒適圈之前，要考慮什麼事情？留在原來的職位，是否一定是壞事？

按圖了解更多：

+7

+6

延伸閱讀：【自我增值】職業生涯一定要做7件事！轉工、request加人工仲有…

延伸閱讀：【網絡熱話】打工仔發現新同事人工高一截 大呻心理不平衡 網民：你有料咪轉工

延伸閱讀：【職場兩性】點睇辦公室情侶？互相餵食、嗌交公私不分 打工仔：真係好煩…

【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪