【網絡熱話】內地企業將裁員稱為畢業?盤點7個美化炒魷魚的詞語

【網絡熱話】內地企業將裁員稱為畢業?盤點7個美化炒魷魚的詞語

試想像老闆將解僱信改為畢業通知,象徵員工要告別現有崗位,往事業下個階段前進,你的心情會好一點嗎?近日內地多間大型企業傳出裁員消息,網上流傳京東及嗶哩嗶哩向員工發出「畢業須知」代替「大信封」,引起香港網民熱烈討論。有網民笑言「今次真係畢業等於失業」,亦有人指「係咪抄日本女團玩畢業制度」。

延伸閱讀:【HR日常】炒人都要有原則 十項選擇解僱員工時要注意的地方

從網上流傳圖片可見,京東的「畢業須知」第一句是:「畢業快樂!恭喜你從京東順利畢業!感謝一路相伴!」,之後內容提及社保公積金安排。而嗶哩嗶哩亦有類似的「畢業日各項事宜指引」,提到為了幫助被解僱員工順利開始新的職業生涯,會安排文件簽收、辦理離職證明、轉移社會保險等。

京東回應內地媒體查詢時表示,此輪裁員只是業務板塊的正常優化,主體業務依然健康發展,但沒有回應「畢業須知」圖片真偽。有指京東是次裁員主要涉及旗下零售物流、健康業務和京喜事業群,當中「社區團購」京喜事業群成為公司裁員行動的重災區,比例佔10至15%左右,最多估計影響600人,但個別地區如廣東京喜團隊將解散。

香港網民點睇「畢業須知」?(按圖了解)

網民A:原來畢業即失業唔係比喻,係真人真事!

網民B:咁似日本女團嗰啲畢業制度,係咪學Akb?

網民C:炒人咪正正經經囉,懶好笑做乜嘢,我唔覺得收到呢封畢業須知個人會開心啲,心諗係咪串緊我。

網民D:香港啲老細又學到嘢,下次炒人嗰陣記得講:「恭喜你畢業了!」

網民E:話哂畢業咁大件事,要唔要搞返個謝師宴,報答老師?

網民F:又幾有創意,可以將一件壞事包裝到好事咁,簡直係語言偽術大師。

網民G:想知道如果去見下份工,同HR講上一份工畢業,個HR會點答佢⋯⋯

除此之外,亦有網民補充資料指,原來許多內地企業都用不同的美化字眼,以取代「裁員」二字,十分有創意。

按圖了解更多:

華為:放棄平庸員工

騰訊:結構性優化

百度:鼓勵狼性,淘汰小資

蔚來:局部優化,提升營運效率

科大訊飛:提前吃飯的員工需要被優化

京東:淘汰掉因身體原因不能拼搏的員工

阿里巴巴:未來每年將會向社會輸出1000名在阿里工作10年以上的人才

受第五波疫情影響,本港最新失業率回升4.5%,預計未來幾個月會繼續上升。在企業裁員潮之中,打工仔不想成為「失業大軍」,除了努力工作外,更要具備與眾不同的求生技能,減低成為被裁員目標的機會。

HR建議大家學定以下幾招旁身:(按圖了解)

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【裁員潮】Google、Amazon都炒人!Apple員工獨善其身有3個原因!

  • 【被炒經歷】過年前被HR召見、遭同事冷落 網民:離開呢間公司係好事!

  • 【年度評核】做Appraisal 得啖笑?事主:最後咪人夾人緣!

  • 【返工症候群】打工仔齊數唔鍾意返工嘅理由 返6日、程序混亂……

  • 【Open office】開放式辦公室被管理層包圍好唔自在 網民:無聊人先會介意

  • 【職場文化】發現員工講大話!應該即時踢爆兼解僱?定係畀機會佢?

  • 【求職見工】公司最鍾意請無經驗嘅「白紙」?網民:可以畀佢哋壓榨嘛!

  • 【薪酬趨勢】香港僱員月入中位數出爐 平均人工升至$19,100!邊個行業搵最多?公開18大行業月入中位數!

  • 【見工面試】見面一分鐘內做呢件事 對方就唔會信任你!

  • 【見工面試】面試官要求除口罩見全相 事主不忿:佢話我個樣「OK」喎!

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow