【抗疫WFH】首日全面禁堂食 打工仔呻食飯環境惡劣又怕遭影相批鬥

【抗疫WFH】首日全面禁堂食 打工仔呻食飯環境惡劣又怕遭影相批鬥

政府日前宣布今日(29日)起食肆全日禁堂食,首日生效就有不少打工仔被逼買外賣到街邊或回辦公室用餐,而且中午時分多區下大雨,更顯狼狽。有地盤工程人員分享首日全面禁堂食的情況,大呻食飯環境惡劣,又指擔心到公園吃飯會遭人影相批鬥,批評政府實施的限聚令及口罩令是「垃圾」。

延伸閱讀:【全日禁堂食】地盤及清潔工被逼路邊食飯 造成另一防疫漏

被迫35度下戴口罩 買外賣返地盤食
這名地盤工人表示,即使是在新冠肺炎疫情之下,10個在地盤工作的人當中有9個也不會佩戴口罩,「你可以想像在35度高温下,長時間在戶外戴口罩工作」。在食肆全面禁堂食後,他慨嘆失去了一個舒適環境休息和食飯,「要帶外賣返地盤食唔係唔得,有得揀邊個唔想去一個冇老鼠、冇昆蟲、冇蚊嘅安全地方食飯。想偷雞去公園食,一陣又俾人影相批鬥」。

延伸閱讀:【新冠肺炎】政府未豁免運動人士可不戴口罩 戴口罩跑步猝死?

延伸閱讀:【新冠肺炎】屋企公司附近有冇人確診? 上呢幾個網即查到!

公司不准在地盤用膳 批評政府措施冇用
條例生效後,他現時只好外出買飯盒,再於地盤找個沒人又沒有沙塵的地方吃飯或吃麵包,「不過有建築公司唔會畀工友帶飯盒喺地盤內食飯,怕影響環境」。再追問他的公司有沒有特別的措施幫助員工,他回應「公司從來都唔會理你食飯食咩,最緊要準時交貨」。

他批評現時政府做事我行我素,醫學專家的意見通通不接受,限聚令、口罩令都是「垃圾」,「一日唔封閉關口去阻塞源頭,做任何措施都係無補於事」。

郊野公園午餐是另一選擇?
另一名地盤工人亦表示禁堂食令生效後,買完飯盒只好站在少人的地方食完就罷了,「如果得閒啲咪學張建宗話齋去郊野公園食囉,買個叉雞飯之後入轉彭福公園再出返嚟」。

有大廈保安表示,全日禁堂食對他們影響甚大,因為整座大廈只得一個麻雀檯般的地方供他們食飯,即使公司安排輪流吃飯,但是人太多的話,有時就要和清潔工一同在後樓梯用膳,「我哋呢啲低下職位都係畀人睇唔起,連換制服都無位」。

延伸閱讀:【抗疫WFH】打工仔篇:在家工作 VS 辦公室工作 你會點揀?

延伸閱讀:【新冠肺炎】觀塘打工仔齊齊冇得WFH? 網民:係奴工集中地!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow