【家庭關係】老婆問老闆借首期買樓對方豪爽借3個月人工網民：帽事嘅～

2021-10-18

很多打工仔為工作捱生捱死，為的就是儲夠一筆錢置業，打造屬於自己的溫馨小家居。最近有一名男網民在討論區表示兩夫妻正計劃買樓，老婆提議向老闆預支10萬元薪金，相等於3個月人工，好讓他們有足夠現金周轉。老闆爽快地答應借出金額，怎料老公卻有另一煩惱……

延伸閱讀：【家庭關係】被奶奶唱畀家用太少打工仔︰兩公婆畀一萬都唔夠？

按圖了解老公的憂慮：

+13

+12

老公表示：「其實我哋睇左幾個樓盤，計過度過就夠錢畀嘅。不過上埋會就要即刻開始供，我老婆又想手頭鬆啲，預定一筆錢裝修。佢話老細一直都好關照佢，提議問老細借3個月人工，然後再慢慢還。佢覺得問親戚朋友借會有說話聽，反而老細好照顧員工，唔會有問題。我本身覺得佢老細唔會肯，所以就隨口話好呀，問吓無壞～點知佢老細又真係借畀佢喎，一下子肯借10萬！唔知咩居心……我而家騎虎難下，我唔想問佢老闆借。但我老婆又已經好開心咁覺得解決咗件事，都話怪自己衰多口同太有自信……」

網民點睇？
網民Ａ：又唔好諗到情況咁差，借3個月糧啫，做得耐嘅借畀你唔出奇，加人工嗰時咪可以加少啲囉。個員工又唔會扭計跳槽，其實變相慳返唔少成本。

網民Ｂ：好多人覺得世界就好似大妓院，三個月糧就講到老細同老婆有路咁，唔講以為借咗100萬……

網民Ｃ：師兄，帽事嘅～綠帽唔怕戴，最緊要除得快！

網民Ｄ：10萬對於老細黎講好細數目，同埋係借咋嘛，員工又開心，老闆又受惠員工嘅忠心，兩邊都有得益。

網民Ｅ：我遇過兩間公司都肯借錢畀員工買樓或周轉，你唔好咁大鄉里啦，有時唔使諗到咁複雜。

網民Ｆ：你開得Post即係唔信老婆啦，不如兩公婆認真坐低討論，好過互相猜忌，之後有條刺仲點行落去。

網民Ｇ：你會唔會諗多咗，借糧咋喎……唔好用小人之心度君子之腹，做得耐嘅話肯借糧好make sense喎！

網民Ｈ：引用《向西聞記》對白：「戴吓綠帽，有層樓喎！」

正如網民所言，老闆可能只是出於好心，所以才預支薪金予員工，而並非男事主所想對妻子另有企圖。當然，如果事主對另一半有懷疑，好應坦誠相對，向對方說出想法，才能解開二人心結。

其實不少老闆也關心員工，一個稱職的好上司通常會有以下4項特徵：（按圖了解）