Next
【家庭關係】家人追魂式催交家用 打工仔悲呼無錢計劃將來
【家庭關係】家人追魂式催交家用 打工仔悲呼無錢計劃將來
2022-04-06
父母無償照顧了自己二十年，理應在投身社會後報答他們，所以「交家用」幾乎是打工仔每月必做的事。但礙於香港百物騰貴，工資未必跟得上通脹，「家用」多寡不時成為父母與子女之間的衝突來源。最近，一名年過30的打工仔在社交媒體專頁「奴工處」投稿，直言自己面對將來感大壓力，當中主因就是「家用」問題。
延伸閱讀：【家庭關係】Fresh Grad一畢業就要養退休雙親 月入僅$13,000感巨大壓力
即睇事主分享及網民回應：（按圖了解）
事主：返工畀老闆捽數，返到屋企又畀阿媽捽數，交遲一日好似欠債咁追我……
事主：我搵得又唔多，兩萬都未去到，但家用就要我$8,000，交少一蚊都無門口入，交遲一日又畀說話我聽。
事主：大佬，我拍拖都要計劃結婚，又要儲錢買樓，成30歲人，我都無奢望過你幫我，但你都唔好拖我後腿啦……
網民：其實你要同屋企人溝通吓。
網民：唔畀人返屋企都唔應該係家人所為。
網民：交少1蚊就唔畀入門，係咪太嚴格？要唔要溝通吓？
網民：做父母嘅要識睇自己仔女搵幾多量力而為，要明白今時今日搵錢真係好辛苦㗎！
網民：升職、加人工、出花紅，一律唔好講！
網民：同屋企個老細講，最近被降職，人工得返一萬，咁家用按比例減半，有無得諗？
網民：如果父母咁無人性，即使畀夠錢都無情講，搬出去住仲唔使受佢氣！
網民：八千蚊的話，不如搬出去住啦！
網民：其實香港家長可能係最多情緒勒索的一群人……
網民：事主睇自己上代例子都知，結婚都勉強可以算，真係唔好生仔女，貧窮係肯定會遺傳畀下一代。
網民：你30歲人仲住屋企食屋企，八千無收貴你啦，其實係咪有心想你搬出去自己住？
網民：30歲人搵得兩萬真係太少，節流就無可能喇，要諗辦法開源，兩萬唔好講咩計劃人生、結婚、買樓嗰啲嘢啦，要返嚟現實先。
網民：八千好多咩？咁叻就搬去出住囉！
網民：佢搵唔夠兩萬又真係幾多，你試下搵八萬叫你畀七萬蚊家用。
家人若無理 網民籲遷離 眾嘆港人壓力大
即使子女有道德責任將部分薪金回饋給父母，但眾多意見認為父母要求亦要合理。不少網民同意，假若事主交少一元就隨即不允進入家門，這個舉動實在過分，難以接受。雖則「養兒防老」的傳統思想至今仍有巨大影響力，但網民直言：「如果令壽堂只係當你提款機，係咪時候搬出去住呢？」
有留言提議事主外遷，暫時離開家中一會，八千港元已經足夠付房租。一名網民指出：「劏房租四千，計返慳埋嘅家用同車錢，可能仲儲得多過住屋企。」另有人提及現時流行合租房（Share flats），環境較劏房為佳，建議事主可以考慮。
多人慨嘆香港生活壓力過大，四周都是壓力，「返工受壓，返屋企又受壓，出街人太多又係受壓，好易精神病」。另有網民對事主經歷感同身受，感嘆：「好淒涼，人生基本上玩完。」
父母與子女間出現衝突十分平常，雙方應互相理解，盡量解決問題。
延伸閱讀：【家庭關係】被奶奶唱畀家用太少 打工仔︰兩公婆畀一萬都唔夠？
延伸閱讀：【家庭關係】32歲月入5萬元 每月畀3萬做家用嘆辛苦︰仲未上到車好無用
Look out for further updates on our Facebook fan page!
Follow CTgoodjobs for the latest career news, hot topics and recommended jobs!