【兩性關係】工時長 與女友少拍拖！打工仔想喊︰做男人做到我咁軟弱

投身職場後，一天有大部份時間都要工作，與伴侶相處的時間不多，如果雙方的工作都要加班的話，就更加難抽出時間見面。就算兩個人感情堅固，但長期缺乏時間溝通，少不免都會感覺疏離。近日，有打工仔在網上討論區分享，自己與女友因爲長工時難以時常見面，拍拖時女友卻説出溫暖的説話，令他差點落淚。

延伸閲讀：【兩性關係】30歲未結婚有問題？打工仔被同事催婚︰顧好自己先啦！

事主分享及網民回應：（按圖了解）

+13

+12

事主：同女朋友一齊咗3年，以前一個禮拜見5日，近排轉咗新工，好多「老屎忽」，仲要返朝10晚11，但又同佢夾唔到時間見，一個月只係見得2-3日。

事主：跟住隔咗兩個禮拜無見，今日終於可以拍下拖，食完夜晚，之後一齊搭巴士走。

事主︰咁我係要早佢一個站落車，再轉巴士返屋企，但上層啲鐘撳完無反應，咁我唯有落去下面撳啦，同埋goodbye kiss定先。

事主：但唔知點解一分開咗，佢喺上層，我喺下層，嗰心就已經捂住捂住。

事主︰㗎車仲未到站，之後佢落嚟拖住我隻手，講咗句: 返工加油啊。

事主：我真係忍唔住，眼角有啲眼濕濕，即刻攬實咗佢，攬咗十幾秒就要落車say byebye，點解做男人做到我咁軟弱？
 

網民：好sweet，好好珍惜女朋友。

網民：好sweet，點會無用，有能力嘅話一齊搬出嚟住囉，再唔係一齊移民。

網民：我同我女朋友都係，搞到成日見都好難，想像下如果住附近……

網民：轉工啦，任何人嘅耐性都有限度，明顯你女朋友就唔係你嘅priority，咁好嘅女仔你唔珍惜就有第二個更識重視佢。

網民：你一啲都唔軟弱，男子漢大丈夫有膊頭已經超越咗唔少廢物。個女仔一定感受到，祝福樓主幸福美滿。

網民：樓主你似係返奴隸工返到喊多啲，快啲轉工啦，黐線咩咁多個鐘。

網民：最近男朋友都出咗社會做嘢，我哋又係得weekend先有得見，可能因為大家都好黐身，所以之前見面嘅時間都好多。

宜家一下縮到得返weekend，每次分開嘅時候都好失落，有得攬住嗰陣就會好肉緊，好珍惜，所以好明白樓主感受。

喊一啲都唔代表你冇用，係代表你好愛同好着緊對方，樓主加油，要好好珍惜女朋友，祝福你哋啊。

網民：你有咁嘅感覺，呢個女人就係你嘅終身伴侶，要好好愛惜佢，錫佢，希望你可以同佢白頭到老。

不少網民都建議事主轉換工作，有更多時間陪伴身邊的人及女朋友。但有些行業的打工仔因爲工時及工作性質，很難與人建立感情關係，即使轉換公司亦幫助不大。

按圖了解最難拍拖的職業：

+4

+3

延伸閲讀：【兩性關係】30歲未結婚有問題？打工仔被同事催婚︰顧好自己先啦！

延伸閲讀：【職場兩性】最難拍拖的職業你有冇份？IT、護士、記者都榜上有名……

延伸閲讀：【兩性關係】明明好痴纏 但一個原因！男友返新工即Block女友

⏩⏩  需要請人？立即刊登招聘廣告！  ⏪⏪