「踢爆」求職者講大話 反被網民鬧︰HR以為自己好醒

「踢爆」求職者講大話 反被網民鬧︰HR以為自己好醒

求職者在面試時被HR問到空白期,應如何解答?這個問題相信難倒很多人,近日有自稱HR的網民在討論區上發布帖文,聲稱在面試期間拆穿求職者講大話,謊稱因病照顧家人而造成「空白期」,但有關言論隨即被其他網民鬧爆,被譏「以為自己好醒」。

解釋空白期 要求職者遞交住院證明
事源有公司有意招聘客戶主任,HR從某CV配對服務中找到合適的求職者,於是約見面試。HR在求職者CV中發現有4個月空白期,並就有關情況作出詢問,並要求對方交出相關證據,豈料要求遭到拒絕。HR便一口咬定求職者「講大話」,並暗示求職者不要浪費其時間,並著返屋企等消息。以下為真實對話︰

我︰請解釋一下點解你依家有4個月空白期

佢︰我媽媽之前遇到交通意外要住醫院,咁我咪辭左份工去照顧佢囉

(當我聽到呢個理由之後,真係差唔多笑出黎依家都2019年啦,仲有人信你呢四個月係照顧你媽媽?你估我唔知你係講大話,實際上辭左份工係走去玩咩,等我即刻踢爆你先)

我︰咁你可唔可以比你媽媽既住院證明我睇呀

(一聽到我問佢拎佢媽媽既住院證明,佢比我嚇到臉都青埋)

佢︰你要我媽媽既住院證明做咩呀,同我見呢份工有咩關係呀

我︰我地要證明你呢段時間真係去照顧媽媽。而唔係起度講大話,隱瞞自己既空白期

佢︰呢個係我媽媽既私隱黎,唔比得你睇架喎

我︰如果你唔肯提供既話,無關係架,呢度無人逼你
不過之前話屋企人入院既candidates,佢地都肯自願提供相關證明架

佢︰......(啞左)

我︰我地仲有好多人想見呢個post架。如果你提供唔到既話,無謂阻住其他人面試啦,快D返去等消息啦

之後個求職者就「頭dupdup,眼濕濕」,然後垂頭喪氣咁走左啦

HR反駁︰求職者心態好重要
對於有關內容,網民留言表示「咁你係咪覺得自己好醒?」,又反問發文的HR「既然match profile,4個月空白期有咩問題?」、「冇心請,就唔好玩X人啦」與此同時,HR亦在同一帖文留言反駁請人時求職者能力配合之餘,更著重心態,又指求職者有意掩飾自己空白期,所以表明不會聘用。

雖然在求職者面試期間被要求遞交醫生證明屬「自願性質」,但HR的請人心態備受質議。而求職者真再遇上同一問題,可參考面試被問到空白期 5個得體解答

Look out for further updates on our Facebook fan page!

Related News

  • 運動後即時進食 有節制唔會肥

  • 「21世紀最性感工作」 在港貶值?

  • 買粟米及牛油當粟米油 人妻嘆老公無常識

  • 千禧代愛自由 64%選「零工經濟」