【返工血淚史】新人唔鬧得？成日嫌辛苦？ 網友力數多宗罪︰教到好灰

每年七、八月，不少公司都會聘請實習生、兼職甚或畢業生，讓他們吸收經驗及獲得工作機會。惟有網民於討論區發帖指，現時的職場新人「奉旨遲到又唔捱得鬧」，令舊人教新人時感到「好灰」。

延伸閱讀︰【網民職場Talk】打工仔狂數伏工6宗罪：搞到我返新工有陰影！

延伸閱讀︰【職場熱話】頂唔順份工　究竟要裸辭定博炒？

事主表示，現時的新人有「三唔三嫌」：「唔話得、唔罵得、唔加班、返工嫌遠、嫌工作量多、嫌辛苦」。此外，事主還指新人「唔聽話」：「教佢做嘢當我講嘢係耳邊風，要佢交功課時就話唔識做，冇學過，冇人教」。在紀律方面，新人亦奉旨遲到，「唔覺得自己有問題」。面對這種新人，事主感嘆「教到好灰」。

帖文惹起網民熱議，有網民表示，請職場新人要睇彩數及公司待遇，「如果待遇好少少，通常質素都會較高」。亦有網民認同事主，「講得好，有無心學同做其實好快睇到，唔識唔加班唔係問題，又唔學又唔改先係問題」。另有網民提議，若新人確實不適合公司，可叫他辭識，不用委屈自己去教導他。

延伸閱讀︰【職場文化】打工仔細數四大裸辭原因 薪酬未必係致命傷？

每個人都有第一次工作的時候，想讓新人融入職場，以下就有3種方法：

1. 由基本工作做起
返學有適應期，返工亦如是。初入職場應由低做起，就如影印、入Data、聯絡等，這些看似簡單的工作，其實是為日常辦公打好基本步，這些基本步可由新人負責，增加團隊工作成效之餘，亦可讓他們自由發揮，可能會有意想不到的結果。

2. 參觀遊學團
返工最忌盪失路，人有三急或想斟水時搵唔到路事少，被人以為「蛇王」事大。舊人應帶新同事參觀各部門，若真的沒有人有空帶新人參觀，至少可以解釋Floor plan，讓新人自己了解。

3. 食飯溝通
「其實毒＿一個更開心，Seafood免講」，做事雖要公私分明，但面對同事愛理不理的態度，心情難免非常矛盾，即使食餐飯都足以令新人「十五十六」。既然返學有「開Sem飯」，返工都可以有「開工飯」。返新工頭兩日人生路不熟，主動邀請新人食飯，可讓大家互相了解。

延伸閱讀︰【職場人際】當眾反駁老闆意見 打工仔即被炒

CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！

⏩⏩  需要請人？立即刊登招聘廣告！  ⏪⏪