【職場熱話】香港打工辛酸 網民呻「連狗都不如」?

【職場熱話】香港打工辛酸 網民呻「連狗都不如」?

近日社會氣氛不佳,有打工仔網民於討論區發帖指,越來越覺得於香港生活,連「做狗都不如」。直指人工低、每天加班,不知道是為了生活,或是生存。帖文惹起網民熱議。

事主指,在香港生活表面上好似不錯,稅率低之餘,交通亦很方便。但普遍打工仔薪金只得萬餘元,做夠一年都未必能加人工,轉工又慘被壓價。而且物價每年推高,「淨係地鐵都年年加價,仲未計食飯嗰啲」。此外,事主指不少香港人每日必然加班,加班亦未必有加班費,「返到屋食個飯就瞓,第二日又開工」。

事主又提到,到了某個年紀,身邊的朋友及親戚結婚,做人情都要幾百元,「密起上嚟真係可以一個月一單」。到放假想去散心,卻一街都係名牌店舖,小店好多都「無得留低」,去旅行更加是避之則吉,大嘆「試問這種生活仲係咪生活?定只係生存?」

帖文惹起不少網民共鳴,「全中!啲港女仲要你有樓有高薪先嫁你」、「你有錢咪有生活,無錢咪焗做囉」、「打工仔生存空間真係愈來愈細,人工加得雞碎咁多,物價狂漲」。另有網民不認同事主的看法,建議事主應反思,「為何人工只有萬幾同時為何無能力晉升更高職位從而獲得更高薪酬」,亦問事主哪個國家的生活不是這樣,建議事主如有能力可以移民。
 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow