【職場熱話】男朋友駕Van仔被親人勸分手 事主無奈呻「唔知點做」

「駕Van仔好失禮咩？」正所謂職業無分貴賤，但總有人會將學歷與工作能力掛勾，更將職業階級化。近日有網民於討論區發帖指，其男朋友駕Van仔，哥哥知道後，希望事主與大學生拍拖，認為有學歷才能賺更多錢。而男朋友則因自卑而提出分手，令事主大感無奈。

事主指出，自己現正讀Year 3，因玩交友app而認識大6年的男朋友，現交往一個多月。惟其哥哥認為事主不面對現實，應與大學生拍拖。事主解釋曾與大學生拍拖，但因為性格不合而分開。其哥哥卻認為有學歷才能找到人工高的工作，而且「有頭有面」。

男朋友感自卑 想同事主分手
而最令事主傷心的，就是男朋友亦有點自卑，「我條仔就話我同佢圈子唔同，遲早有一日都會介意佢，就話不如分手。」事主直言，「未來的事邊個可以知？可以知的話都冇人會失敗啦！我只係想珍惜而家鍾意的人。」

【網民職場Talk】打兩份兼職比長工自由？ 網民一句道破真相

面對男朋友及哥哥的反應，事主覺得很無奈，「點解好似得我一個對呢段感情有信心咁？而家乜社會呀？大學學歷真係咁重要咩？」她又對男朋友很失望，為何對這段關係欠缺信心，「我都唔介意，我哥介意啫，佢又唔係同我哥拍拖。駕Van仔有咩問題啫？最緊要人格好，雙方一起付出咪可以克服現實囉，我究竟可以點做？」

網民：自己男友自己決定
有不少網民不看好事主與其男朋友的關係，認為終有一日會分手，「拍拖我覺得OK，結婚就要真係諗清楚」、「到你過多幾年就會明白今日個Post好傻」、「到你出嚟揾工，又會識得更多比你大的人，你要的東西可能又會唔同咗，到時先算啦」、「即使駕Van仔搵到好多，但我深信遲早會散」、「你熱戀期當然講乜都得，過多幾年怕你會睇唔起佢」。

【職場熱話】月入$2.4萬被女友狠飛 搵幾多先好結婚生仔？

亦有網民支持事主，「而家貨Van仔又唔等於十年後都係貨Van仔」、「邊個諗大學生一定有內涵有修養呢啲歪理出嚟，駕Van仔都可以係有學識有修養，大學畢業都一樣好多廢柴」、「其實自己決定囉，鍾意咪一齊，唔鍾意咪分開」、「趁後生談一場無悔的戀愛」。

 

⏩⏩  需要請人？立即刊登招聘廣告！  ⏪⏪