【職場熱話】獵頭公司無下文搵另一間突被鬧 求職者:我點知道你哋行規?

【職場熱話】獵頭公司無下文搵另一間突被鬧 求職者:我點知道你哋行規?

求職或轉職的時候,獵頭公司會是你的朋友,皆因他們的存在意義正是協助求職者與僱主配對,但你又有沒有想過獵頭公司竟然也可以是求職者的絆腳石?最近,有網民向社交媒體專頁「奴工處」投稿,竟然表示自己因為獵頭公司行規而失去面試機會,極其耐人尋味,究竟當中發生了甚麼事呢?

延伸閱讀:【見工奇遇記】HR問一年後想有咩成就 求職者一句說話踩中地雷即叮走

即睇事主分享及網民回應:(按圖了解)

事主:有無行內人知點分個求職者屬於邊個Headhunter?

事主:3月嘅時候,有個Headhunter 1號搵過我介紹一間公司嘅A職位,我話無興趣,跟住佢問我對咩職位有興趣,我話B職位,跟住佢話幫我問下,跟住無咗下文。

事主:5月頭佢WhatsApp我問有無更新CV,我send咗畀佢,跟住又問咗我expected salary,又無下文。

事主:昨日有另一個Headhunter 2號搵我,問我有無興趣呢間公司嘅B職位,我話有,佢話幫我約面試,問我有無人approach過我呢個職位。

事主:我話有approach過呢間公司A職位,跟住呢個Headhunter 2號話職位唔同無問題,一日之內約到日子時間。

事主:點知之前個Headhunter 1號打嚟大吵大鬧,話係佢send CV先,話Headhunter呢行計求職者,計公司,唔係計職位。佢話同HR好熟,我咁做會連面試嘅機會都無埋,除非我應承畀返佢跟返。

事主:我答佢唔了解佢哋呢行點計,唔識分屬於邊個。今日Headhunter 2號打嚟話Headhunter 1號打去HR度唱衰我,話我無誠信,人格有問題,煩到HR話hold住唔in我。

事主:坦白講,無得in又唔算好可惜,因為咁樣證明間公司都唔係好想in我,如果單憑人哋幾句就斷定我能力,呢間公司都唔係好識請人,但係都幾無奈幾唔甘心畀人喺同行唱衰。

事主:我想大家畀意見,誰是誰非,誰對誰錯,我係咪太唔小心?我唔想再有呢類事發生,亦唔想再有人中招。

網民:吓?點解個客要跟你Headhunter嘅行規?

網民:係我就鬧鬼佢啦!無料又憑咩食你呢張單,玩咁耐都無得in,人地又可以咁快安排到有得in。

網民:佢唱你,你更應該開佢名,佢唔畀你撈,你都唔好畀佢撈先得㗎,等其他打工仔提防呢個無良Headhunter。

網民:你周街唱返佢做嘢無交帶,斷人衣食,自己就算想搵工都千祈唔好畀呢條友跟。

網民:佢驚你唱佢多過你驚佢唱你啦,你嘈返佢轉頭,開埋佢同佢公司名,佢肯定會道歉呢!

網民:自己hold住人哋個interview仲大聲夾惡。

網民:明明就係Headhunter 1做嘢慢,畀人搶咗份佣金就發爛渣。

網民:Headhunter 1留唔住個客係佢問題。

 

求職者等待是應份? 僱問:獵頭不回應也不道德

許多網民認為事主的遭遇是場不幸,為他深感不值,更有人希望事主透露獵頭公司的名稱,以防他人誤墮陷阱。

時間就是金錢,無窮無盡的等待只會浪費時間和機會。網民狠批慢條斯理的獵頭公司1號態度十分不要得,「咁多個月無跟進,話人無誠信?跟一世㗎?」。泰國人力資源顧問公司TI A​gents Recruiment的創辦人Taka Okano曾撰文列出多項獵頭公司不道德行為,其中一項就是「(向求職者)聲稱會有回覆,但卻不守承諾」(They say they’ll call back, but they never do)。

如果獵頭公司長期無回覆,難道求職者要守株待兔,緣木求魚?相信大部分人面對這個情況,應該會尋找其他機會吧!

延伸閱讀:【職場熱話】Headhunter出賣求職者 通報現職公司 網民:咁無職業道德

延伸閱讀:【見工面試】點解要咁多面試?太多面試或令求職者卻步

延伸閱讀:【職場熱話】伏工有樣睇?網民教路:即日話請要留意

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【網絡熱話】琴行出$18,000請演奏級鋼琴老師 一星期返60個鐘惹爭議

  • 【見工奇遇記】去甲級寫字樓面試竟發現… 打工仔爆HR前言不對後語超伏!

  • 【見工奇遇記】每次面試都被HR玩?打工仔︰隔咗一個月打嚟 叫我聽日返工

  • 【見工奇遇記】HR一個犯錯致面試遲到 求職者︰仲要黑面鬧我!

  • 【求職攻略】求職者返新工鬧爆公司「玩嘢」 全因HR招聘廣告出錯?

  • 【家庭關係】老婆問老闆借首期買樓 對方豪爽借3個月人工 網民:帽事嘅~

  • 【職場熱話】做老師好過唔少工?最麻煩係○○○○

  • 【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

  • 【薪金比較】女朋友人工高過自己會唔會好自卑? 網民:錢唔係衡量人嘅標準

  • 【職場熱話】低人工有嘢學定係高人工齋坐?網民激辯:當然錢重要

刊登招聘廣告