【職場熱話】工作事事上心冇好結果 網民慨歎:慢慢變成自己初初最憎嗰啲人…

【職場熱話】工作事事上心冇好結果 網民慨歎:慢慢變成自己初初最憎嗰啲人…

還記得那個初踏職場的自己嗎?一時醒起,那個自己好像已經離開很遠了……當時還是職場新鮮人的自己,一定充滿幹勁,覺得事事都可以做得完美,用上很多精神和時間,可是,一次又一次與自己的期望落空,相信大家都在不停經歷吧?

延伸閱讀:【職場戀愛】男上司追男下屬 結局竟然反轉? 網民:sweet過睇BL!

有網民在社交平台專頁「奴工處」上分享工作上的無奈,以「成為咗你最唔想成為嘅大人」為題表示:「以前返工事事上心,但發覺最後都係會令人失望。依家變到做嘢好起鋼,唔關自己事,真係冇必要咁熱心去幫。最後就變成自己當初好憎嗰啲人……」

很多打工仔看到此分享都身同感受,工作上的無奈感頓時湧現。

即睇網民回應:﹙按圖了解﹚

-我啲同事應該好鍾意我,因為我到收工時間成日講:「走未呀!聽日先搞啦!」

-工作上去到某啲位,明知有事唔出聲好過出聲,佢肯聽去接納係好事,有啲係,佢唔接納你意見,仲反串你,仲有啲係忌才。坦白,不在其位不謀其事。

-自己的事自己做,別人的事唔知道!

-好似好自私?其實要學懂照顧自己、愛惜自己,無論精神、體力同時間都係有限的;除了照顧自己,也要照顧家人及朋友。留返啲時間、精神、體力畀自己,唔係自私或老seafood咁簡單能夠代表晒。補多句:我自己25歳後,身體狀況每況越下,自覺真的唔能夠像剛剛出來做嘢咁搏。樓主所提到的「大人」或多或少可能都有類似情況。

-識得揀情況嚟幫手,都係一種成長,你已經由過去任人犧牲嘅天真嬌,變成識保護自己嘅真·打工仔。講到呢度,你都最多叫有防人之心啫,咁都真係要有嘅,你又唔係講緊去主動害人。

-呢啲唔叫卸膊,係適當地保護自己。

-幫人唔係話完全唔幫,懶個啲梗係由佢死啦。但係如果係剛出社會嘅新人,幫佢一把教吓佢嘢,佢會好感激你呢位前輩。

-返工我淨係擔心幾時出糧,其他嘢做到合格咪算。

-只要記住公司唔會養你一世,做返份糧嘅嘢就夠。

-幫到就幫,過得到自己就得啦!

-返工就係咁,準時返工準時收工,等出糧,其他嘢真係唔好理咁多。同事亦都只係同事,唔好太熟。

 

不在其位不謀其事
雖然確是很無奈,可是很多網民都安慰事主,指事主的做法其實沒有錯,更道出職場大道理:「不在其位不謀其事。」又指:「識得揀情況嚟幫手,都係一種成長,你已經由過去任人犧牲嘅天真嬌,變成識保護自己嘅真·打工仔。」

有網民更語重心長地指:「其實要學懂照顧自己、愛惜自己,無論精神、體力同時間都係有限的;除了照顧自己,也要照顧家人及朋友,留返啲時間、精神、體力畀自己。」

只要沒有害人之心,選擇情況來盡自己的責任已經足夠,畢業人只有一個,不能事事扛上身。要接受自己不是萬能,並對自己好一點。

延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

延伸閱讀:【職場戀愛】男上司追男下屬 結局竟然反轉? 網民:sweet過睇BL!

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】請假去Staycation 老細要睇酒店証明先批 網民:肚疴請病假咪要影OO?

  • 【職場熱話】打工仔男友超庹縮 學生女友:毫子都要同我計到盡!

  • 【職場熱話】黑雨地盤都要照返工 員工:水浸到要坐艇走!

  • 【職場熱話】「能者多勞」係讚美定懶人嘅藉口?網民:難聽過粗口!

  • 【職場熱話】做藥房都要跑數? 唔夠數要大懲罰:放無薪假、仲有…

  • 【職場熱話】夏天返office以為去咗汗蒸幕 員工:沖涼、吹頭乜都有…

  • 【職場熱話】港女去Staycation屈蛇被趕 大鬧酒店員工冇人情味 被網民鬧爆!

  • 【職場熱話】工作後難識另一半 女網民:人生一定係買樓、結婚、生BB?

  • 【職場文化】家人着工衣say Hi 事主感尷尬 被網民鬧爆:狗眼看低屋企人!

  • 【職場熱話】公司OT有錢補 員工:手錶顯示7pm 但個打卡機顯示OOO…

刊登招聘廣告