【職場熱話】做司機要兩文三語識電腦 人工每個鐘得......

不少僱主都希望以最低人工請來高質素員工，近日勞工處就出現了一則招聘廣告，可見一名僱主以$50元時薪聘請「文武雙全」的私人司機，惹起網民熱議，認為僱主過分苛刻，暗嘲「要唔要買埋餸煮埋飯」。

從招聘廣告內容所見，某保險顧問公司登廣告招聘一名合約公司司機，職責為接載管理層，協助行政管理事務性工作；周一至周五上班，朝9晚6，時薪為$50元。而資歷方面，應徵者需有中三程度學歷、3年司機經驗，良好粵語及普通話優先，英語則可以一般程度。此外，應徵者還要懂MS Word、MS Outlook、行政工作操作及溝通協調。

網民︰定係人工係美金$50
有網民認為該公司欲聘請高質低薪司機，「簡直係侮辱」、「每日$400元要揸車仲要做文書」、「又一無良僱主的表表者」、「傻的嗎？畀咁小錢，做N咁多嘢」。亦有網民指，很多兼職人工更高，「兼職揸巴士人工高過佢」、「樓下間麵包鋪時薪都$55元啦」、「而家洗碗最低入職工資都$65元」。另有網民指可能僱主在刊登招聘廣告時打錯字，「其實係咪$150元一個鐘」、「定係美金50元」、「佢打漏個0，$500時薪」。
 

⏩⏩  需要請人？立即刊登招聘廣告！  ⏪⏪