【網民職場Talk】40歲人工仍不足$1.7萬 不斷轉工結果……

「魚唔過塘唔肥」，不少在職打工仔都積極尋找待遇更好的工作。如果在「騎牛搵馬」的過程中，人工一年比一年高，固然是最理想的情況。倘若屢次轉工都得不到理想的薪酬待遇，該如何是好？有網民工作十多年，多次轉工仍未能獲得理想待遇，深感迷茫，遂於討論區發帖詢問意見。

延伸閱讀：【職場選擇題】轉工太密變Jumpy？ Netflix前HR建議每X年轉一次

從事平面設計 40多歲已婚男仍「未定性」
從事平面設計、現年40多歲的事主，一直以來都追求穩定。直至5年前開始頻頻跳槽，即將迎來第6次轉工。事主每次離職皆有各種不同原因：第一次因公司易手、業務轉變而被辭退；第二次因公司倒閉而遭遣散；第三次因人事問題，被同事影響至需要離職；第四次因老闆態度突然變得極差，憤而離職；第五次因公司業務太差而裁員。

有自置物業 妻子任職政府工
雖然多年來人工徘徊於14.5K至16.5K之間，仍未達至心中理想薪金水平，可幸上一輩將物業留給事主，妻子做政府工，而且無兒女，可算並無太大負擔。但是，眼見身邊年紀相若的朋友擔任經理、CEO職位時，總有感自己「唔定性、對事業迷失」。事主已有心理準備，這次失業需較長時間找工作，而且亦已預視到見工面試時會被嘲諷。

網民：應爭取更高人工
帖文引起討論，有網民直指事主人工太低，應爭取更高人工：「你平面設計同我做文職差唔多人工咋？估唔到喎」、「返工其實好睇際遇，師兄你做平面設計，又有經驗，其實叫個價又無理由好似普通文員咁。出個咁低價請平面設計的公司，其實都好極有限啦」。

延伸閱讀：【轉工跳槽】近半打工仔無意轉工 最想請人的3個行業

工作「做唔長」漸成常態
有人表示近年工作週期愈來愈短，已漸成常態：「而家啲工係好難做得長。我第一份工做左年半，第二份工7年幾，第三份工5年幾，跟住一份半年，而家呢份都只係頂到10個月」。各人有感最近的工作較不穩定，轉工實屬等閒事，有人直指已經「咩都試過晒」，不論長工、合約、外判合約，始終未能找到穩定的工作。

比上不足 比下有餘
有網民回應指，事主有自己的物業，已算環境不錯：「你有本錢，唔擔心住屋問題，好過好多人啦」。另外亦有人鼓勵事主最重要是從中學習：「最緊要係你心態。每次轉工一定要吸取經驗，知道自己想要甚麼、唔想要甚麼，少走冤枉路」。

延伸閱讀：【職場制勝】經濟不景想轉行？25、35、45歲的不同階段轉行方法

⏩⏩  需要請人？立即刊登招聘廣告！  ⏪⏪