【網民職場Talk】打工仔遇最佳上司 大半年內3次升職、請食飯未算最好......

打工生涯順利與否，有一個決定性的關鍵──際遇。兩個學歷背景和工作能力相近的人，投身社會若干年後，得到甚麼機會、做出甚麼成績，很大程度決定於他在職場上遇到怎樣的上司。有網民於討論區發帖文，跟一眾上班一族大談親身遇過的最佳上司。
 

延伸閱讀：【轉工跳槽】如果上司會做3件事 辭職隨時走寶！

寧願自己OT 只求下屬準時放工
帖文引來不少網民分享最佳上司的範例，以及姑何循循善誘地教導處理日常工作的方法。有人自問經常犯下低級錯誤，但仍獲得上司耐心教導：「做事永遠只諗如何解決，語氣永遠耐心，有嘢任問唔嬲，直頭覺得佢當我弱智唔好意思鬧我咁」。有上司則是實幹型：「寧願自己頂哂啲嘢都叫我哋準時放工」，在疫情蔓延時，更為下屬爭取權利：「得我哋組有得Home Office到而家」。

大半年內3次升職加人工
有網民則分享與下屬打成一片的好上司：「我之前打過一份工，冇嘢做個老闆會拎盒大富翁出嚟同大家一齊玩，或者索性叫大家早啲收工」。有人更表示剛投身社會就遇到極佳上司：「只要你搞得掂，唔Care你遲到早退；做錯唔鬧，但教識你點做」。更甚者，是樂意為下屬爭取更優厚的待遇：「作為Junior Staff入嚟，見你有料，大半年內幫你爭取升職同加咗3次人工」。

延伸閱讀：【辭職學問】提出辭職沒被上司挽留 網民提2個解決方法

公司工作以外的得着
有人追憶以前曾經遇到好上司，卻不懂珍惜。上司不單從不罵他，更時常對他的工作進行指導：「但衰在我無心機聽，聽完好多時唔記得；成日間唔中請我食飯。依家轉咗幾份工，都真係諗返起，我估都好難再遇到呢種上司」。除了在公司裡的工作方面，有上司更願意幫下屬安排更好前程：「知你想走，有嘗試留，但都會祝福同寫兩封Reference Letter畀你揾新工同進修。多謝老細咁睇起我」。網民紛紛回應表示這位是非常慷慨又大方的上司，作為他的下屬，亦實屬幸運。
 

⏩⏩  需要請人？立即刊登招聘廣告！  ⏪⏪