【網民職場Talk】幫親戚打工注定無好下場?網民:好似囚犯

【網民職場Talk】幫親戚打工注定無好下場?網民:好似囚犯

職場上,不少老闆喜歡任人唯親,安排自己的親信擔任重要的崗位,以便管理。
不過,做「皇親國戚」是否代表有特權,甚至可以在辦公室橫行?有網民向社交媒體專頁《奴工處》投稿,以自身經驗告戒網民「千祈唔好幫親戚打工」。
 

雖說親情重要,但在現實社會,只要牽涉到金錢等利益關係,即使是親人都有機會反目成仇。事主從事飲食業,老闆是自己的親戚,但身為「皇親國戚」的他不但沒有特權,反而「受氣同委屈比出面打工多十倍」。飲食業工時長,事主每天工作長達12、13小時,有一次因事請假,作為親戚的老闆表面答應,但背後卻向事主的家人投訴,「問點解我成日拎假」,令事主大感無奈:「我一個月先拎一至兩日假咁大把」。

除了每事牽涉家人外,事主亦不滿這位親戚老闆日常諸多限制,「平日出去買個M記都唔畀,迫我一定要食舖頭野,日日食都悶啦」,又認為對方不諒解自己的付出,「我捱足幾日唔放假幫你手為你間舖頭好,到頭來又轉Idea全部唔用」,種種限制令事主開始疑惑,「到底我係人定囚犯?」

親戚大逼供點算好? 5招輕鬆化解

幫親人打工易被情緒勒索?
帖文引起網民的討論,大部分人都認為幫親人打工不是一件好事,「佢哋覺得自己幫緊你,你仆心仆命回報係十分應該,仲有人覺得係親戚就唔好收人工」、「親戚都有分好同壞」、「同家人或者親戚打工,都係畀人情緒勒索的開始」。亦有網民勸事主早日另謀高就,「走人唔好做啦」、「公司賺錢係咪有份分?如果無同出面打工有咩分別,點解要同佢客氣?」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow