【熱話】食Lunch叮錯飯盒 網民笑言「隔離飯香」

正所謂「慳得一蚊得一蚊」，不少打工仔為了節省金錢都會選擇帶飯返工，減少外出用膳。最近有網民於討論區發文，指公司有同事叮錯兼食錯飯盒，慘令另外一位無辜同事無飯食。

一時錯手 叮錯同款飯盒
發文者指，某日Lunch Time時段突然聽到同事「慘叫」，指自己「唔見咗個飯盒」，更於公司的WhatsApp群組裡詢問「邊個食咗我阿媽煮嘅飯」。最後同事走遍辦公室才終於找到自己的飯盒，但可惜當時已被另一同事吃光，成為辦公室笑話。

帖文一出，有網民指自己公司都曾發生類似事件，更指當時同事氣得要將Memo貼在雪櫃明示，而其他網民都認為最有效阻止「悲劇」發生的唯一做法，就是在飯盒上寫或貼上名字。此外，亦有不少網民笑言叮錯飯盒的同事可能是貪「隔離飯香」，吃錯飯盒後應該要補上食評。

叮飯4大注意事項
1. 避免翻叮高油食物
2. 加熱前應打開或取走盒蓋
3. 每次不應加熱多於3分鐘
4. 金屬、錫紙、發泡膠、塑膠物料不可放進微波爐

網民回應
網民A：「又真係幾搞笑，如果在現場肯定笑到收唔到聲。」
網民B：「諗起食咗人地個飯盒，有啲想嘔，可能係想像人地屋企一枱人食剩？。」
網民C：「都不出奇，因為阿媽裝飯，自己可能也不知道乜餸。」
網民D：「我寧願出去食Lunch好過留喺公司叮飯，成日流流長已經喺公司過，Lunch梗係出街抖抖氣好過留喺公司食。」

⏩⏩  需要請人？立即刊登招聘廣告！  ⏪⏪