【搵工秘訣】失業多月新工遭壓價 應接受Offer或繼續搵工？

打工仔「手停口停」，失業難免會感到傍惶。近日有網民於討論區尋求意見，指自己已經失業3個多月，直至最近終於收到Offer，然而卻被僱主壓價$2,000，猶豫應否接受Offer。

僱主出手太低 求職者心大心細
事主指自己由4月失業至今3個多月，已經參與超過10場面試，直到最近才收到Offer，然而卻被僱主壓價$2,000。自己一方面「好心急想快啲搵到工做嘢」，另一方面朋友卻指他被「壓得太多」，所以亦開始猶豫應否Take Offer。

帖文一出，有網民以朋友經歷回應事主，指現今市況惡劣，身邊朋友求職5個月仍然毫無回音，所以怕事主一旦拒絕Offer可能又要再等多個月才能找到工作。建議事主可以先接受Offer，「騎牛搵馬」再轉工，避免日後情況可能越變越差。

此外，亦有網民認為事主要「有骨氣唔好做」，僱主就是看中求職者「怕無工開」才故意壓價以突顯公司價值，實際上只是「斤斤較較」。

網民回應
網民A：「通常Expected Salary我會開高啲，俾僱主講價。」
網民B：「做住先，搵到好啲再轉工。」
網民C：「騎牛搵馬，有收入精神好運氣自然好！」
網民D：「人浮於事。」

⏩⏩  需要請人？立即刊登招聘廣告！  ⏪⏪