打工仔請病假出街 撞正上司更被偷拍？

不少僱主都規定，員工請病假須提供醫生證明。不過部分公司人手緊張，因此對員工請假情況特別關注。有網民在討論區吐苦水，指早前因扁桃腺發炎而請了4天病假，向公司提供有效醫生紙，但竟被上司當街偷拍，質疑事主「詐病射波」。

請咗病假 唔通唔可以出街？！
事主帖文指：「我發高燒，加上扁桃腺發炎搞到失聲。始終返服務性行業，須同客人溝通。所以我去咗急症室睇醫生，醫生開咗4日病假畀我。」事主指，病假期間出外用餐，在街上碰見其上司，竟遭跟蹤和偷拍，「我好嬲！當場問上司『你影嚟做咩？』佢應我『唔係話你呃公司，關心你做咩射左咁多日波啫。』偷拍我嘅人係公司主管，我未過試用期，好驚佢因呢件事炒我。」

網民反應
網民A：拍照者必須影得合法同公平，言下之意要得到本人同意。所以你上司咁做可能犯法！
網民B：你有醫生紙，上司都唔可以話你呃病假，不過主動同佢嘈係你蝕底！
網民C：做返自己份內工作，等佢冇藉口炒你啦！
網民D：上HR投訴，向勞工處備案。

雖然僱員病假乃受勞工法例保障，不過為免因「Call Sick」而與上司交惡，打工仔可留意以下4點：

1. 取得有效醫生紙，並向上司請示
2. 勿因被上司施壓，而就範縮短病假
3. 如因請病假又令工作受阻，向上司解釋情況
4. 適時向上司表達關心工作的進展

4招防員工濫用病假
只要打工仔提供有效醫生紙，僱主就無理由阻止員工請病假。不過為防止員工「詐病」請假，HR或管理層可以參考以下做法：

1. 從關心出發，了解員工健康狀況
2. 了解員工請假紀錄
3. 可以要求員工到指定診所看症
4. 收緊請假制度，半日病假亦需醫生紙

⏩⏩  需要請人？立即刊登招聘廣告！  ⏪⏪