應邀慶祝生日被要求夾錢 壽星女：下次可以唔約我

【晴報專訊】大家生日時與朋友食飯慶祝，埋單時又用不用夾錢呢？一名女網民發帖抱怨，指她早前生日時應邀出席兩次飯局慶祝，但每次埋單時朋友均要求她夾錢。由於之前慶祝其他朋友生日時都大家會夾錢請壽星，她因此深感無奈：「其實我生日唔約我食飯我真係OK㗎！」

食兩餐生日飯都要夾錢
樓主日前在網上討論區「連登」發帖，指自己早前生日時被兩次邀請食飯慶祝，但埋單時卻被要求夾錢，「第一次我同自己講：可能少人得制啫，算啦！下餐多啲人一齊食，應該唔駛夾㗎喇！到第二餐，雖然當中有幾個已經同我食咗第一餐（兩餐都唔係我主動約），但人數多個double，今次無問題啦！到埋單，我又要夾錢。」

她指出，自己與友人今已是30多歲，並非求學時期讀書或剛畢業沒有錢，而且亦不是食得太貴，只是普通小菜，因此感到無奈：

「其實我生日唔約我食飯我真係OK㗎，而家無端白事冇咗幾舊水......」

反對網民：樓主太計較

對此，網民反應兩極，有人認為樓主太計較，「有人慶祝就好，太計較了」、「朋友生日就一定要請佢食飯？請你食飯係好意，並唔係老奉喎」、「睇得自己咁高，純粹搵個藉口gathering啫」、「其實都係聚吓啫，又唔係掉轉頭叫你請，畀返自己嗰份無乜所謂啦，志在開心食個飯啫」、「2019仲興羅漢請觀音？」、「人哋出嚟同你慶祝，畀自己嗰份都要覺得好慘咁，咁大個人都咁小氣」。

支持網民：係是否重視嗰個人嘅問題
但亦有網民認為，請壽星食飯或送禮物，其實是人情世故問題，「如果啲朋友重視你自然會識夾錢請，唔係咩一餐飯少少錢嘅問題，而係你重視嗰個人，有啲動作係一定會做」、「無理由你生日我請咗你，而家我生日你唔請返我，唔係貪你幾舊水，只係個心唔係好舒服」。

樓主：想約食飯唔好消費人哋生日
對於網民批評，樓主留言進一步表示，自己並沒主動「打鑼打鼓」向朋友們稱自己生日，要求約食飯；而且，若然經濟有困難，可以不吃生日飯，又或是再食平少少。她又認為，朋友們心底裏其實可能是覺得要請，

「而家佢哋唔係要我AA，係要我夾100，即係其實佢哋某程度覺得係應該要請壽星。100蚊4個人夾，每人25，10個人夾每人先出多10蚊，我肉酸啲定佢哋肉酸啲？」
她又指，如果朋友覺得不值得請她食生日飯，又或是覺得她「黑人憎」而有差別待遇，

「咁咪唔好約我食飯！你哋自己想聚咪直接約，唔好消費人哋生日，你畀我毒喺屋企我仲自在！......咁唔好話同我慶生吖嘛，用其他名目我仲可以選擇去唔去！」
她明言將會待下次慶生飯局時，看看其他友人會否要求壽星夾錢；如果沒有的話，「即係明恰我」。
 

⏩⏩  需要請人？立即刊登招聘廣告！  ⏪⏪