【見工面試】Interview中途被要求離場 事主:佢問我想走定繼續筆試…

【見工面試】Interview中途被要求離場 事主:佢問我想走定繼續筆試…

有人說「見工如演戲」,在面試這段短暫的時間,求職者要讓部門上司或人力資源從業員(HR)知道,自己是職位的最佳人選,同時表明希望成為公司的一分子;即使最後沒被獲聘,求職者也能上演一場「好戲」。

可是並非所有公司,都會讓求職者演完這場戲,在網上討論區Dcard有求職者分享自己的面試經歷,指在途中被要求離場:「他問我想離開,還是繼續筆試…」

點圖了解更多事主經歷:

 

事主分享:

「前幾日收到一間公司嘅面試邀請,見一個企劃助理嘅位,因為同我讀嘅科無咩關係,所以抱住有機會就試吓嘅心態,去咗面試。

一開始都好正常,都係收到份Form,填吓自己嘅基本資料,同公司相關嘅資料,答吓如果返工夠一年,覺得自己會有啲咩貢獻咁嘅問題。後來做咗兩份測驗,第一份同公司活動有關,另一份就係對產業嘅了解同遇到問題嘅處理方法,本身要用個半鐘時間,諗住做完一份,就繼續做埋另一份,點知有個女職員走過嚟同我講:『我哋阿頭覺得你可能唔啱呢份工,你想而家走定做埋份測試先?』

嗰陣我反應唔切,就細聲重覆咗一次佢講嘅嘢,然後嗰個職員就同我講:『係啊,你可以走先啦』回程嗰陣我係咁諗,我知自己可能真係唔啱做,或者佢唔想浪費時間,但見工見到一半,就被要求我走,真係第一次。

我以為會做戲做全套,點知佢就係『我都唔會請你,做戲有咩用?』呢單就係我嘅奇妙經歷,祝福大家工作順利,都希望我快啲搵到份工。」

網民回應:

A/你應該覺得好彩,對方唔想浪費兩邊嘅時間

B/越早完越好,比起同你傾咗成三粒鐘,最後咩消息都無,咁樣好好多

C/覺得人哋唔適合,做咩仲要叫人去見工,傻的嗎?定係佢睇完你寫嘅嘢,覺得唔適合,所以叫你走?呢啲嘢點解唔喺網上面做,要人特登過去公司做,仲要人哋寫寫吓就叫人走,佢唔想浪費時間,但佢就選擇浪費你嘅時間,唔通你啲時間,就唔係時間咩?

D/我之前都試過,做完個Test,連阿頭一面都見唔到,就返咗屋企,仲以為個Test只係輔助,點知當面面試都唔肯

E/雖然心情會好差,但實際嚟講,至少唔使浪費時間

F/如果我係你,我會覺得好尷尬,但我情願面試完咗,但無通知,或者對方應該直接走嚟同我講:「唔好意思啊,今日嘅面試完咗啦」至少唔好令人有種被趕走嘅感覺

靈活處事的必要
對於「速戰速決」還是「做戲做全套」,網民都有不同的想法,有人認為減少時間浪費是好事,亦有的認為即使沒消息也好,至少要有始有終。避免浪費大家的時間是好事,但要是公司職員過於直接,就會可能令求職者內心受傷。這個時候職員應該靈活處事,毋須和盤托出,只要簡單說明面試到此結束,感謝求職者來臨面試就好。懂得善待求職者,也是企業要學習的事。

即使面試失敗,也能從中學習?(點圖了解更多)

延伸閱讀:【金像獎背後】為投入演員身份辭任DJ 《殺出個黃昏》鍾雪瑩:想對喜歡的事情負責任
延伸閱讀:【金像獎背後】由美術指導到首次執導《好好拍電影》 文念中紀錄香港轉變

即睇Google高層面試時會留意的6件事:

延伸閱讀:【星級斜槓族】《全民造星IV》咖喱黃雅慧專訪 16歲曾有入女團機會 棄醫生高薪厚職追夢 「完全無後悔!」
延伸閱讀:【廚師奮鬥史】入行逾30年從「𡃁仔」變成主廚 凱悅軒黃皓勤:缺乏人才或導致粵菜技術失傳

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場文化】返工第一日被炒!設計師嘆:有20年經驗都無用⋯

  • 【人才爭奪戰】人才荒持續 最新調查揭近半中小企難以聘請心儀人選 專家籲用2招解決

  • 【職場熱話】千祈唔好畀老細知你做得嘢? 網民︰有時扮蠢先係最醒

  • 【職場好事】因情緒問題失業長時間 竟獲工作offer兼HR暖心鼓勵:加油!

  • 【見工面試】見工試過講過乜大話?網民:不如問講過咩真話

  • 【辭職學問】去到咩情況先會忍唔住辭職?最多人覺得係OOOO…

  • 【產假申請】打工仔有咗BB 應該幾時同公司講?申請產假要準備咩文件?

  • 【見工面試】去細公司面試極速in完!網民大讚:唔好阻大家搵食!

  • 【見工面試】打工仔質疑HR無法識別人才!網民反駁:做嘢叻嘅份人未必正常!

  • 【職場文化】AI可以取代你?喺公司邊個部門、邊個職位最有被炒危機?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow