Next
【見工面試】求職者仲惡過接待員 準時到達不停催促入去面試…
【見工面試】求職者仲惡過接待員 準時到達不停催促入去面試…
2022-07-12
見工面試，每位求職者都很緊張，因為自己當日的表現就可以影響自己日後的前途了！大家都想在面試官前有最好的狀態、有最好的表現。不過，其實由你踏入該公司的一刻，你的表現就已經被計分，不單單在面試官面前，面對該公司的接待員、HR都得有禮貌才可以增取到良好的印象分！
延伸閱讀：【職場文化】被上司搶功勞 辛苦成果被沾光 點樣應對先啱？
有以前曾擔任公司接待員的網民，在社交平台專頁「扮工室Online」上發文分享，指自己曾經遇到過一個過於緊張而忽視了基本禮貌的求職者，希望大家可以以此事例為誡，好好管理自己的言行，在面試時有最佳的表現。
即睇事主分享：（按圖了解）
佢：『我要搵黃小姐！』
我：『黃小姐見緊工，麻煩你坐低喺梳化等陣。』
佢：『我約咗三點見工喎，依家三點啦！你唔打畀佢？！』
我：『依家佢喺入面Interview緊其他人，完咗會叫你入去。』
佢：『一陣佢以為我遲到點算呀？！你依家打畀佢呀！』
我：『我已經紀錄低你到達時間，你坐低等陣，輪到你會叫你入去。』
（全程佢係咆哮住咁同我講嘢）
終於同事打電話出嚟叫我帶呢位小姐入去，我啱啱打開房門，佢就一手推開我，大大聲話三位你哋好呀！我係乜乜乜，今日好開心見到你哋呀！
我怒睥咗佢一眼，出返去，將頭先發生嘅嘢詳細寫低，最後我唔知請咗邊個，因為我已經離咗職，如果真係請咗呢位小姐，我都唔知可以講咩了」
網民：「見咩職位？好高人工咩？」
網民：「repection同秘書是不可得罪的。」
網民：「入職前就係，入職後係IT部。」
網民：「仲有會計部。」
網民：「茶水間姐姐先最唔可以得罪！」
網民：「通常係咁，嗰啲一定係薯仔。」
網民：「佢都係緊張份工啫。」
網民：「緊張份工？帶咁多見工者入去面試，我真係第一次見畀人一手推開！佢開頭表現我當佢緊張，一打開門就推開人係咩玩法？識唔識禮貌同尊重？」
網民：「超蠢，幫佢『美言』幾句肯定見唔成！」
網民：「咁進取，申請sales實錄取！」
面試要保持禮貌
面試緊張固然正常，不過並不可以因為緊張而忘了對人的基本尊重和禮貌！就事件來說，其實當接待員說會記錄你到達的時間，就應該安份地坐着等，到叫到你的名字時，就應該自信從容，不用着急，撞到人更加要道歉！
其實要舒緩面試的緊張，大家除了可以深呼吸外，還可以去廁所稍為整理自己的儀容，提早到遠讓自己安靜心神，觀察公司的環境和職員，保持微笑，腦內同時可以複習一次自我介紹的內容。這樣就可以令大家都對你有一個好的印象，是非常重要的。
延伸閱讀：【職場文化】被上司搶功勞 辛苦成果被沾光 點樣應對先啱？
延伸閱讀：【職場兩性】女同事Last Day突然表白 男事主苦惱：我有女朋友…
延伸閱讀：【職場熱話】9K請遊戲設計兼寫App 被網民大鬧無良公司！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!