【職場熱話】有新工offer但上司拒收辭職信點算好? 網民:其實無得唔收

【職場熱話】有新工offer但上司拒收辭職信點算好? 網民:其實無得唔收

當工作在同一個地方多年而欠缺突破,打工仔無疑會蠢蠢欲動,欲轉換新環境,離開新鮮感欠奉的辦公室,同時透過轉職改善薪酬待遇。轉職不只有見工面試、獲取聘書的環節,更需要與舊職說再見。絕大部分打工仔都會在規定通知期前遞交辭職信表示去意,但若上司拒絕收取辭職信,相信也是一件麻煩事。最近,一名打工仔到「香港討論區」發布貼文,指上司拒絕其辭職意願,更出口術挽留,令事主感到事分苦惱。

延伸閱讀:【辭職學問】辭職信應否表達失望情緒?如果要寫應該點先有禮?

即睇事主分享及其他網民回應:(按圖了解)

事主:最近我打算轉工唔轉行,純粹係想轉換新環境,收到offer,新公司人工高啲又唔使返5日半,我今日返去辭職。入到房同大佬傾嗰陣,佢話我:「講咩轉工啫,而家出面咩環境大家都知啦,邊有咁易轉工,仲可以人工高又可以返5日,你咁同我講都係為咗想加人工啫。」佢話如果佢真係收咗我封信,我都係留喺屋企待業,所以死都唔肯收我封信,又話會盡力幫我fight加人工,但我真係搵到份新工,而家大佬又唔肯收封信,我係咪應該直接啲叫佢接受現實好啲?

網民:你同佢好好感情啊?留低你?

網民:跟住啲咁嘅大佬,一定「前途無限」。

網民:你畀人當傻仔玩,你當人大佬,人哋當你傻仔工具人。

網民:Resign先加都知咩事啦……

網民:早知今日,何必當初,個大佬咁講嘢,我一定走硬!

網民:同佢講要求加人工兼五天工作,如果唔係就收信吧!

網民:走畀佢睇!佢無料到唔代表你無料!

網民:你連交封辭職信呢啲普通嘢都處理唔到,咁你點應付新工作環境?

網民:其實無得唔收,你責任係通知佢,唔係要佢同意,你畀咗佢,佢就要收,你責任就完咗。

網民:其實個阿頭都幾無賴喎!而家出面登個廣告大把人嚟見工,何必要苦苦相迫呢?

網民:佢唔肯收就直接交畀人事部吧。

網民:封信應該要cc埋HR同你上司個阿頭,以send呢封信個日子計返last day。佢可以之後加人工去留你,但係要佢official出畀你先再考慮,口頭講唔算數。

網民:你直交人事部或經理,最好公開拍片做證據,話係部門阿頭拒收,叫我夠膽直接跳過佢交信,話拍片係畀返部門阿頭睇,喺邊日已經交信,臨走都攪下佢。

網民:辭過工唔走,再做落去到時又未有新工的話,有排踩死你,有好工好快啲走。

網民:我試過搵到份新工同上司講辭職,跟住叫我畀新工個package佢知,我話多差唔多成萬,但佢話照加畀我。我都係話咪玩啦,當真係加到畀我,背後一定有人指指點點,仲要畀上面mon實晒啲表現、加大workload,所以我話咪搞啦,第時有機會再合作啦,即使幫我咁加法,最後都會搞串個party。

 

心軟或招致後果? 網民:上司唔收就越級通知

眾多網民認為,上司沒有可能不收取員工的辭職信,因為辭職屬個人意願,只要通知符合通知期規定,資方任何人並不能阻止辭職意向。雖然《僱傭條例》(香港法例第57章)有關通知期的條文沒有提及僱主拒絕僱員辭職的情況,但其中一名網民則指,「(辭職)唔係要佢同意」,僱員提出通知已盡了責任,「(僱主)其實無得唔收」。

對於上司行為,多人直斥無賴,並呼籲事主越級呈報,以免不合通知期要求。縱使上司打算以加薪挽留事主,部分人認為,當僱員去意已決,挽留行為只會徒勞無功,並直言:「早知今日,何必當初。」

大部分勸喻事主不應心軟,皆因遞交辭職信已象徵背叛,繼續留任只會被人嚴密監視。有一網民曾遇到上司類似挽留行為,隨即拒絕,以免受到上司往後可能的報復,以及因加薪後加深同工不同酬的問題,而令同事間出現閒言閒語。

見工期間,轉職原因唔可以亂講,講錯隨時被「叮走」!即睇9個負面不應說的離職理由,以及7個正面的理由:(按圖了解)

延伸閱讀:【職場熱話】辭職遭連環刁難?事主:自問做嘢盡心盡力⋯

延伸閱讀:【職場熱話】已遞信 但同事仲係對自己呼呼喝喝 應該忍耐定係反擊?

延伸閱讀:【職場熱話】一人一個令你想辭職嘅原因 網民:只做appraisal 唔加人工

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【辭職學問】點解連離職都要面試?Exit interview會問啲咩?

  • 【辭職學問】00後用WhatsApp講辭職被指「0尊」!辭職信要點遞先正確?

  • 【職場趨勢】大離職潮已成過去?整體流失率放緩現「大停留」(Big Stay)潮!

  • 【辭職學問】遞信後都有嘢袋落袋?10件在辭職後學到的事!

  • 【職場熱話】兼職員工口頭通知辭職卻尾日no show 上司要求賠代通知金

  • 【辭職學問】打工仔離職難開口?僅6.8%人和盤托出辭職原因!調查揭加薪最能挽留員工!

  • 【大辭職潮】離職先知舊公司好?8成打工仔後悔辭職

  • 【人才流失】辭職人數大增!解構優秀員工離職4大原因

  • 【勞工法例】上司當面撕爛辭職信點算?僱傭條例咁樣講!

  • 【接種疫苗】因拒絕打針失業半年 零針打工仔:仲搵唔搵到工?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow