【職場熱話】工作量超標但老細唔肯請人 質問員工：點解要OT？

香港人加班已經是正常不過的常態，老闆們總是在測試一個員工的極限，榨取到最盡，然後令員工起了離去的念頭……還有畀這樣老闆更差的狀況嗎？有！就是工作量增加，老闆不肯加人手之餘，又不想加班補錢予員工，更怪責員工OT，這樣的老闆真的非常刻薄！

延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！

有網民在討論區Dcard上以「腦細：『點解你上個月會OT？』」為題發文分享，指最近工作量大增，可是老闆無意增加人手，唯有加重現有員工的負擔。面對如此的狀況，員工作只可以加班完成工作，不過老闆竟然還質問為何是OT……令人無奈又氣憤！

+13

+12

事主：「是咁的，我做緊PR公司，咁啱上個月多咗好多客搵我哋，工作量咪double咗。」

事主：「老細又話冇budget請多啲人，OT都好合理啫，我上個月總數OT咗8個鐘，但其實已經少咗，好多時我都係7點打卡收工，但做到8、9點先走。」

事主：「跟住，琴日收到老細msg，佢：『想問點解你上個月會8個鐘OT？請問你做咗啲咩？』」

事主：「我：『都係預備啲event，打proposal，但因為今個月多咗好多客，所以做耐咗。』」

事主：「佢：『多咗客唔識做快啲？你知唔知OT要申請？因為我哋唔鼓勵員工OT。」

事主：「我心諗：你只係唔鼓勵員工如實報OT時數啫！睇完真係心諗，咁你有冇諗住請多啲人呀？」

事主：「workload無限上升緊，人手就冇變過，一個人得兩隻手一個腦，仲要有啲人係冇腦嘅，咁OT都好合理啫！你估我好想留喺公司OT咩，事實係啲嘢真係做唔晒呀！」

事主：「唔想出OT錢咪唔好接咁多客囉！又要接，又唔肯請人，公司又唔係冇錢，垃圾！」

事主：「啱啱又收到佢msg喇！佢：『我哋嚟緊又多咗幾個客喇，你自己睇住時間喇哈哈！』我：『好的。』」

網民：「想賺多啲錢又唔肯出多少少錢請人，呢啲公司等執啦！」

網民：「覆佢：『咁你搵定人頂我個位啦！』」

網民：「表面：『唔鼓勵員工OT』；實際：『你自願加班就唔使申請超時啦！』」

網民：「我公司唔會補錢，得扣鐘補假，之前一直都係嗰個月扣返早一兩個鐘收工，到上個月OT咗17個鐘，啱啱好扣返2日，明明policy係可以放假清，結果佢話我做乜放咁多假。佢叫我攤開早收工，但係人係公司，而家咁多嘢做又邊會可以4點幾走？我人走，啲客都搵我啦！」

網民：「下次全部OT如實報告畀佢知，話佢知你之前唔誠實計工時係你唔啱，以後會好好睇住時間，一分鐘都唔報細數。」

網民：「唔鼓勵員工OT，真係難聽過粗口，咁你畀返合適嘅工作量我咪唔使OT囉！」

無理的老闆最難頂
網民都為事主到很不忿，如此的老闆應該盡早「炒佢魷魚」辭職轉工！員工有心完成工作，卻仍被質問為何OT，更被直指：「多咗客唔識做快啲？」非常刻薄！無理的老闆真的最令人受不了！

與其如此下去，事主何會考慮辭職呢？

延伸閱讀：【NGO】導盲犬同治療犬有咩分別？ 訓練員：治療犬嘅職責就係「玩」！

延伸閱讀：【另類職人】前啱Channel演員柔柔 由幕後到＿幕前再轉做瑜伽導師

延伸閱讀：【另類職人】街巿出身空姐轉行開凍肉鋪 無暇因公司倒閉而失落：要向前行生活！

延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！

延伸閱讀：【另類職人】凶宅清潔師見盡凶案現場 血跡未算最驚心 更試過被報夢…

⏩⏩  需要請人？立即刊登招聘廣告！  ⏪⏪