【職場熱話】文員新入職驚覺冇自己位仲要做●● 網民:早走早著

【職場熱話】文員新入職驚覺冇自己位仲要做●● 網民:早走早著

文員是許多打工仔投身職場的首個職銜,不少人都會預期這文職崗位主要處理初級文書事務,負責整理文件、資料存檔及發送電郵等工作。文書工作需要一定空間,假如你以文員身份加入一間公司,其後竟發現沒有個人座位,你會如何反應呢?最近,社交媒體專頁「奴工處」有一名打工仔吐苦水,指入職後沒座位、沒電腦,更遭老闆要求處理其他工作,大叫中伏。

延伸閱讀:【求職貼士】DSE考生搵兼職要注意啲咩?HR咁樣講⋯⋯

即睇事主分享及網民回應:(按圖了解)

事主:最近見咗份工做文職,點知返咗幾日一直冇電腦同自己個位,同埋要做倉搬搬抬抬。到我辭職佢竟然話我:「唔清楚呢度要做咩?」黐筋㗎咩?出post同見工都冇提過要做倉務……

網民:仲要做幾日?第一日就唔撈啦!
網民:同佢開波啊嘛!
網民:你點解唔扮整親?
網民:分分鐘不寫要清潔,都要做清潔。
網民:好多香港老細都鍾意咁樣做,係一個要員工習慣不合理指示嘅過程。
網民:伏已中,辭職係最佳的決定。
網民:有啲公司,係入咗去先知發生咩事,唔對路早走早著,遲走瞓唔著。
網民:我試過做一份連位都唔畀我都試過,返工就係去坐放假同事個位……
網民:好多post個title都話請文員,實質入到去做雜工,所以都做唔長,浪費雙方時間。
網民:擺明請唔到倉務,改用文員title引人入職。
網民:我反而做倉務文員變咗影product相,你話過癮唔過癮?

網民控訴職場不合理 職位貨不對辦屬常見?

事主入職後遇上不合理對待,除了欠缺座位及電腦外,更需協助公司處理不在職責範圍內的倉務工作。多名網民支持事主的離職決定,更狠批相關公司的態度,竟然投訴新人不理解工作範圍,惡人先告狀。有人認為,香港職場環境惡劣,常有上司或老闆提出不合理要求,更表示上班就是要「習慣不合理指示嘅過程」。

一名網民指控,今日求職廣告常有不實描述,尤其「文員」職位,通常只是做雜工,暗指相關工作難以有技能提升,員工「做唔長」,入職只是浪費時間。相關論調獲多人附和,有人提及倉務人員在求職市場的競爭力較遜色,所以透過「文員」二字吸引求職者。

無論如何,企業應提供合理工作環境予僱員,以便打工仔更順暢處理工作,而求職廣告應盡可能如實反映工作要求。有網民提及,工作好多時是「入咗去先知發生咩事」,「唔對路」應「早走早著」,可見過大期望落差會嚇怕新人,更浪費雙方時間。

胡亂指派工作可謂「伏工」特徵,究竟「伏工」仲有邊啲特徵可以留意?即可睇不同打工仔分享!(按圖了解)

文員是許多畢業生尋找到的第一份工作,不過有伏真是不宜久留!究竟點解第一份工作咁重要?畢業後首份工作5大影響你要知!

延伸閱讀:【見工奇遇記】Send完CV就有offer? 求職者感驚嚇:驚有伏

延伸閱讀:【職場熱話】返新工3日知道全team同事已經遞晒信 打工仔:伏味濃?

延伸閱讀:【職場熱話】5天半工作制、5年人工只得13k 網民:唔轉工等咩?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告