【職場熱話】打工仔投訴公司設備世界級差!乜嘢都壞 電腦、雪櫃、自動門無一倖免!

【職場熱話】打工仔投訴公司設備世界級差!乜嘢都壞 電腦、雪櫃、自動門無一倖免!

公司的環境和設備,直接影響員工的心情和工作效率。如果公司的設備先進,方便員工工作,都可以減省很多時間,提高工作的完成度;相反,如果公司的設備差,甚麼都不時故障損壞,浪費時間之餘,更加會令員工心浮氣躁!

延伸閱讀:【新年職場】身為主管剛結婚幾個月 新年利巿派幾錢好?網民提醒:要派雙封!

有網民在討論區Dcard上發文指:「日日都壞,不如執咗佢啦」,分享其公司的簡陋設備如何增加員工的工作負擔,幾乎是每日一小壞,幾日一大壞,令人感到非常不便和煩厭。不知道大家的公司又有沒有如此情況呢?

即睇事主分享及網民回應:(按圖了解)

事主:「唔知大家公司會唔會咁?乜嘢都可以壞一餐,上至公司系統,下至枱枱櫈櫈,全部都可以壞!」 

事主:「完全唔明點解啲系統可以郁啲就壞,次次一返工就壞,一壞就乜都做唔到,最癲係佢收工就會好返。」 

事主:「除咗系統之外,公司啲電器都成日壞,試過有次返到公司嗅到勁大陣嘢食腐爛嘅味道,原來係前一日雪櫃壞咗冇人整,第二日入面啲嘢食就臭到癲!」 

事主:「我哋公司係用自動門,試過有一次佢個系統壞咗,個門就長開咗全日,仲要輪流派同事去看門口⋯⋯」

事主:「到底呢間公司發生緊乜嘢事,乜都可以壞,日日都有嘢會壞,不如執咗佢啦!」

網民:「自動門壞咗仲要自己看門口,笑死!」

網民:「公司系統起碼每星期壞兩次,仲要每次都係臨收工。」 

網民:「公司部腦有時要睇cctv,但一秒的片可以停3秒,load 耐少少就hang 機,有次仲要我睇一條十分鐘cctv check嘢。我做嘢一向快手準時走,燥底嗰陣真是想打爆部機!」

網民:「乜你唔知愈大公司愈用cheap嘢?」 

網民:「你咪算好囉!我公司廁所冇水,個馬桶仲要坐坐吓裂咗,嚇到我企係到屙呀!」

網民:「看門口係乜嘢事!做埋保安嗰份?」 

網民:「我公司飲水機幾個星期壞一次,電腦系統幾個月換一次(乜嘢都冇晒),成日都冇廁所水,成日都話整lift,但係啲掣一樣係冇反應嘅(所以成日壞lift)。有時仲要連wifi都用唔到。想開會入到房先發現冇wifi⋯⋯笑死!」

 

公司設備影響工作效率
有網民指:「乜你唔知愈大公司愈用cheap嘢?」有時公司為了節省金錢,就會購入比較普通或過時的設備,但這直接會阻慢員工的工作進度。不過,公司未必會知道前線員工所遇到的問題,所以員工可以不時向上司反映工作進度及導致工作慢的原因,讓上司再為大家爭取。

因為公司設備影響員工整體的工作效率,令管理層知道設備的重要性,希望可以有所改善。

延伸閱讀:【新年職場】身為主管剛結婚幾個月 新年利巿派幾錢好?網民提醒:要派雙封!

延伸閱讀:【新年職場】開工利市有公價 同組同事畀$100、OO可以畀$10就算

延伸閱讀:【職場新年】派兩封$20利市 打工仔︰被新仔唱我孤寒

延伸閱讀:【銀行熱話】銀行利市封設計精美、有價有市 二手拍賣網索價$18個?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告