【職場熱話】問下屬點解夜晚唔覆電郵 阿姐:成功嘅人要熱愛工作

【職場熱話】問下屬點解夜晚唔覆電郵 阿姐:成功嘅人要熱愛工作

普遍僱傭合約皆有列明員工的上下班時間,但不知為何準時收工成為了本港打工仔奢侈的願望。隨著科技發展,工作空間已不侷限於辦公室內,即使離開下班也不代表可以完全離開工作。最近,一名打工仔向社交媒體專頁「奴工處」投稿,指其上司因電郵問題發表了「成功要先熱愛工作」理論,直教事主哭笑不得。

延伸閱讀:【電郵技巧】Email咩時候要用BCC?5個必學職場電郵禮儀

即睇事主分享及網民回應:(按圖了解)

事主:阿姐問我點解唔會晚上覆電郵。佢熱愛工作啫,唔代表我會覆,但佢話成功嘅人,係好專注和熱愛工作,但我想要健康同休息多啲。

網民:同佢講,你冇屋企人,我有!
網民:奴性重唔等於成功喎。
網民:成功嘅奴隸可能都係一個成功嘅人……
網民:你阿姐將會係個好成功嘅病人。
網民:如果間公司我有份,我一定會專注同熱愛。
網民:收工都仲要覆mail?你出幾錢糧呀?
網民:人生除咗返工就咩都無嘅都幾失敗……
網民:成功嘅人係淨係用工作時間就可以完成晒工作,正如budget內完成項目一樣。
網民:真正成功嘅人,係準時收工但又做得晒啲嘢,對公司有價值,所有人買佢怕。
網民:覆啲鬼劃符畀佢,然後話屋企電腦/電話會亂碼。
網民:放咗工就係私人時間,唔覆又點?
網民:我對科技呢樣嘢真係又愛又恨。
網民:我公司都有件奴性重嘅阿姐,做少一秒嘢就屎忽痕。
網民:以前我有個Director對住全team人講:大家學吓Assistant Director!佢凌晨3點都會覆我email。
網民:我以前有聽過老細講,出嚟做要放低樽鹽,我以為我份工要炒餸。
網民:我睇到呢篇嘢時,剛剛被阿姐鬧我唔應該過office hour send嘢畀director。

 

打工仔比喻:收工後工作猶如項目超支

眾多打工仔在留言感嘆病態職場文化,不明瞭為何許多上司都將加班工作或者下班後處理公務與「成功」二字掛鉤。有網民將準時收工比喻成預算計劃,認為準時收工兼且處理好工作如同預算內完成項目,這樣才是成功的定義,否則與項目超支無異。不少人認同這個說法,表示成功的人不應讓工作影響私人時間。

多個留言批評事主上司奴性太重,甚至有人笑言奴隸都有分成功與否。有人認為,阿姐人生只剩餘工作屬一件可悲的事,但從網民留言可見,本港職場不乏這些工作狂,例如有人提及上司擁有工作要放下尊嚴的心態。

通訊發達無疑為人類生活帶來方便,但對於職場生活來說,科技伴隨而來的問題是工作與生活界線模糊。

WhatsApp工作短訊相信比公務電郵更打擾生活,假如你上司熱愛收工後傳工作短訊,不妨參考以下3點謝絕打擾:(按圖了解)

同場即刻睇埋8個工作WhatsApp嘅Dos & Don’ts!(按圖了解)

延伸閱讀:【職場英語】Email第一句點寫好 我們起飛都用得?讓開場白不再無聊

延伸閱讀:【職場英語】6大商業電郵錯誤要小心 寫錯隨時被「已讀不回」?

延伸閱讀:【電郵範例】email弱勢會畀人睇小?8個令你變弱嘅句子你有冇用?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;