求職面試時，如何「唔識扮識」？
題目是唔是好吸引？跟你談「走精面」的方法……先此聲明：方法是有的，但極其量只算是一種溝通技巧，而且只限在某種形式的面試，使用又「可一不可再」，否則露底，後果自負……為免被責備「標題黨」，先戴好頭盔，才開始討論。
我們當然應為面試做好準備，但互聯網時代，資訊爆炸，一個人不可能知道所有的事，尤其小組面試裡，遇到類似「談談香港二手樓按揭與樓價的關係」、「為何巴西染疫宗數僅次美國？」「微軟應收購Tik Tok嗎？」等問題，而你對題目的認識有限，例如「大佬！我離買樓還有幾光年的距離，點知有咩關係？」、「我連美國染疫宗數多過巴西都唔知？」、「Tik Tok我聽過，但點解要賣？」，同一時間，同組「唔生性」的對手竟然講得頭頭是道：「對！上月銀行批出二耬按揭四百多億，為歷史新高，代表買賣兩旺……」、「巴西總統夫人染疫，在其夫聲稱康復之後，代表巴西領導層……」、「美國總統於七月三十一日發言要禁Tik Tok，微軟要與擁有Youtube的谷歌比，就得……」……我問你點算？
二十幾年前，大學畢業第一年讀碩士，主持導修課，面對自己去年「玩埋一堆」的師弟師妹，課堂未完，同學罕有舉手問問題，大概「玩嘢」「考我牌」，不能丟臉，但又怕答錯，我就使出絕招：「嗯！我明白你的問題，但你點睇？」……然後，「你呢個睇法呢……」已可胡謅十分鐘過關。
同樣地，收到題目，發現自己「丈八金剛，摸不著頭腦」，反而應該搶先發言，得到「發球權」，先把題目讀一次，簡單講幾句，再把球拋出去：「不如由你講講你的想法？」
對！答案就是「Question on Question, then Comment on Answer」！遇到不熟悉的題目，又不想示弱人前，可考慮用「你點睇？」的方法，請對方先講高見，然後對其講法（而不是你不懂的問題）提出意見，對方難以拒絕（佢唔通會反擊：「咁你點睇先？」），你再就其內容講評，大大方方，若能加點面試前早已準備好的「百搭」的數字、新聞，你的表現甚至會比「貼中」這題目的人更佳。
當然，這方法有很多限制，首先，如篇首所述，「可一不可再」，每一次都「你點睇先？」傻瓜都知道你不懂。另外，單對單或者一個求職者面對多個面試官的面試，這方法也不能使用。
為面試做好準備，平日多留意新聞，多角度思考，是求職者的責任，以上建議只是在「危險關頭」，「偶一為之」，可以考慮，絕不能每次為你化險如夷（呢篇文戴好多頭盔）。
以上內容及資料僅屬個別作者的個人意見，並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Follow CTgoodjobs for the latest career news, hot topics and recommended jobs!