你係「真愛」定係「迷戀」?
情悅雙黃線 — 黃嘉如
黃嘉如(Yubi)為HK Romance Dating創辦人，經濟日報財經部前記者、主播以及有線電視新聞部前主播。結合傳媒及空姐經驗，為仍在茫茫人海中尋覓愛侶的單身人士，尋找理想、合適的另一半，願天下有情人終成眷屬。
More Blogs大家經歷過愛一個人至生不如死？幾年過後你可能發現自己當日好傻，但原來從生理同心理學角度分析，你當時嘅感覺並唔係愛，而只係迷戀。
心理學研究曾經測量熱戀唔夠8個月，以及超過8個月嘅人，檢視佢地睇到自己嘅伴侶時被激發嘅腦部區域。結果發現熱戀時間較短嘅人睇到愛人時，大腦中「渴望」同「強烈嘅愛」相關區域會被啟動。至於熱戀時間較長嘅人見到對方，除咗呢啲區域，「依戀感」相關區域都會被開啟。
除咗大腦中對應區域，身體中分泌嘅激素都話我地知「迷戀」同「愛情」係有分別。 多巴胺、去腎上腺素同苯乙胺（PEA）係我地產生迷戀感嘅主要來源，會令我地興奮同愉悅，但兩三年後呢種迷戀感就會慢慢消失。
根據心理學家Robert Sternberg嘅愛情三角理論，愛由親密（Intimacy）、激情（Passion）同承諾（Commitment）組成。「親密」指戀人能感受到雙方係緊密地連結一齊，你會希望同對方分享喜悅、感受對方支持，喺關係中珍惜同尊重對方。「激情」指戀人對伴侶嘅強烈渴求，呢種渴求唔只限於性慾，仲包括對自尊、聯繫同自我實現嘅追求。「承諾」可以根據其時間性分為兩類︰短期承諾指戀人願意下決心去愛一個人，長期承諾則指戀人願意許下諾言喺未來都一直愛對方。三個元素嘅交互影響形成不同模式嘅愛。同時存有親密、激情同承諾嘅愛情就係Sternberg理論中完美嘅愛（Consummate Love）。
熱戀期後兩三年，一種叫做內啡肽嘅激素會帶俾我地「安全同依戀」，會更加持續而長期地維持著伴侶之間的感情。我地成日睇電影都會被轟轟烈烈嘅愛情橋段牽動，但現實歸現實，我地追求穩定嘅愛情先較健康。一般情況下，迷戀往往發生喺一段感情剛剛開始嘅時候，隨住時間流逝激情就會消失，意味住一段迷戀嘅結束。聽落好似好落幕，但佢只不過係預示更加深刻而長久愛情嘅開始。
以上內容及資料僅屬個別作者的個人意見，並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Follow CTgoodjobs for the latest career news, hot topics and recommended jobs!